| e-texts navigator |
| Wylie |
244b1 ཚད་ཉིད་ལ། ། སྲེག་རྫས་ལ་སོགས་རབ་ཏུ་དབུལ།། ལུས་ངག་ཡིད་གསུམ་སྡིག་བཅོམ་ནས།། ཡེ་ཤེས་མེ་ཡི་ངོ་བོར་བྱ།། སྣོད་དང་ཟ་བ་ནི་དོར་བར་བྱ།། དེར་ནི་གདོན་རྣམས་ཀུན་སྲེག
244b2 ཅིང་། ། བགེགས་ཆེན་ཞི་བའི་ལས་ཀྱང་བྱ།། རྒྱས་དང་དབང་དུ་བྱ་བ་ལ།། ལས་དང་བྱེ་བྲག་རིམ་པ་རྣམས།། སྔར་བཤད་པ་ཡི་ལུས་བཞིན་དུ།། ཐབ་དབྱིབས་བྱེ་བྲག་ཤེས་པར་བྱ།།
244b3 སེར་དང་དམར་བའི་བུད་ཤིང་སོགས།། རིམ་པ་རྫས་ལྡན་དབུལ་བ་ནི།། ཨོཾ་བཻ་ཤྲ་བ་ཎཱ་ཡ་དྷ་ནཾ་པུཥྤཾ་ཀུ་རུ་སྭཱ་ཧཱ། ཨོཾ་བཻ་ཤྲ་བ་ཎཱ་བ་ཤི་ཀུ་རུ་སྭཱ་ཧཱ། ཨོཾ་བཻ་ཤྲ་བ་ཎཱ་ཡ་ཤཱནྟིཾ་ཀུ་སྭཱ་ཧཱ།
244b4 གཙོ་བོས་ཇི་བཞིན་འཁོར་བཅས་ནི།། རིག་པའི་རྫས་ཀྱིས་མཆོད་པར་བྱ།། སྲེག་པའི་རྫས་ནི་བག་ཟན་དང་།། ཡུངས་ཀར་མངར་སོགས་རིམ་པས་མཆོད།། འཕྲིན་ལས་རྣམ་བཞི་ཀུན
244b5 འགྲུབ་སྟེ། ། བརྩེ་བར་བརྩོན་པས་ཉེ་བར་འགྲུབ།། འབྲིང་དང་ཐ་མས་འབྲིང་དང་ནི།། ཐ་མ་ཉིད་དུ་ཤེས་པར་གྱིས།། དེ་ནས་བཅོམ་ལྡན་འདས་ལ། རྣམ་ཐོས་ཀྱི་བུ་འཁོར་དང་བཅས་པ
244b6 རྣམས་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་རྣམས་ཀྱིས་བཤད་པའི་ལས་འདི་རྣམས་སྒྲུབ་པ་པོ་དེས་དུས་རྒྱུན་དུ་བཅོམ་ལྡན་འདས་ཕྱག་ན་རྡོ་རྗེ་དང་། གནོད
244b7 སྦྱིན་རྣམས་ལ་དཀར་གསུམ་གྱིས་མཆོད་པར་བྱ། ཆང་ཀུན་ཏུ་སྤང་བར་བགྱིའོ།། ཤ་རྣམས་ནི་འོས་པ་དང་ཤིས་པ་དྲང་བར་བྱའོ།། དེ་ལྟར་རྩེ་གཅིག་གིས་བདག་ཅག་སྒྲུབ་པ་དེ་རྣམས
iiif viewer powered by OpenSeadragon
