| e-texts navigator |
| Wylie |
240b1 རྡོ་རྗེ་འཛིན་ཆེན་སྟོན་པ་དེས།། ཉིད་ཀྱི་འཁོར་ལ་རབ་གཟིགས་ཏེ།། འོད་ཟེར་ཀུན་ཏུ་རབ་བཀྱེ་ནས།། གདོན་རྣམས་རླག་བྱེད་ཐབས་གསུངས་པ།། དཀར་པོའི་ཕྱོགས་ཀྱི་ཚེས་བརྒྱད་དང་།།
240b2 དེ་བཞིན་བཅུ་བཞི་བཅོ་ལྔ་ལ།། རབ་ཏུ་དབེན་པའི་ས་ཕྱོགས་སུ།། ཕྱག་ན་རྡོ་རྗེ་རབ་ཁྲོས་པ།། གཞོན་ཚུལ་འགྱིངས་པ་རབ་བསམས་ལ།། རིན་ཆེན་སྣོད་དམ་ཁམ་ཕོར་དུ།། གསེར
240b3 ལ་སོགས་པའི་རིན་ཆེན་བདུན། ། དག་པར་བསྒྲུབས་ཏེ་རབ་བཅུག་ནས།། གསང་སྔགས་བརྒྱ་རྩ་བརྒྱད་བཟླས་ཏེ།། དཀོན་མཆོག་གསུམ་གྱི་བཀའ་བདེན་པས།། འབྱུང་པོ་དེ་ལ
240b4 གཏོར་བྱིན་ཏེ། ། གང་གནས་རྟེན་སར་རབ་སྲས་ལ།། འབྱུང་པོ་ཀླུ་གདུག་ཞི་བར་འགྱུར།། གང་ཚེའི་བསམ་ཕན་ན།། དེ་ཚེ་གདུག་པའི་མཚོན་ཆ་རྣམས།། རང་གི་ཁང་པར་རབ
240b5 ཏུ་འབར། ། སྡུག་བསྔལ་མི་བཟང་དྲག་པོ་སྟེ།། དེ་ཚེ་སྔོན་གྱི་སེམས་དྲན་པས།། ཞི་བར་འགྱུར་བར་ཐེ་ཙོམ་མེད།། དེ་ནས་འདིར་བཅོམ་ལྡན་འདས་ཀྱིས་ལྷའི་ཆོ་ག་རབ་ཏུ་གསུངས
240b6 པ། རྟག་ཏུ་བྱང་ཆུབ་སེམས་ཐོབ་ཅིང་།། དམ་ཚིག་སྡོམ་པ་ཀུན་ལྡན་པ།། ཁྲུས་ཀྱི་ལས་རྣམས་ཀུན་བྱ་སྟེ།། རྣམ་པར་དག་པའི་ས་གཞི་ལ།། དཀྱིལ་འཁོར་ཇི་ལྟར་མཛེས་པར
240b7 ཧཱུཾ་ཡིག་ལས་བྱུང་ལྕགས་ཀྱུ་ཡིས། ། སངས་རྒྱས་བྱང་ཆུབ་སེམས་དཔའ་རྣམས།། སྐད་ཅིག་མདུན་བསམས་མཆོད་སོ་བྱ།། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཧཾ།
iiif viewer powered by OpenSeadragon
