| e-texts navigator |
| Wylie |
99a1 སྦྱར་བའི་དུག་དང་། གདོན་དང་། དུག་དང་། མཁའ་འགྲོ་མ་ལས་ཐར་པར་བྱ་བ་དང་། གཡུལ་འགྱེད་པ་ཐམས་ཅད་ལས་ཐར་པར་བྱ་བ་དང་། གཞན་གྱི་དཔུང་གཞོམ་པ་དང་།
99a2 ཕྱོགས་དང་། མཚམས་དང་། དཀྱིལ་འཁོར་བཅིང་བ་དང་། ཤིན་ཏུ་སྲུང་བ་དང་། ཡོངས་སུ་སྐྱོབ་པར་བྱ་བ་དང་། ཐར་པར་བྱ་བ་དང་། བསླང་བ་དང་། དབང་དུ་བྱ་བ་ལ་ནི་ཁྲོ་བོ་ཆེན་པོ་སྣ་ཚོགས་གྲུབ
99a3 པས་སོ། ། ལྷ་ལ་སོགས་པ་ཐམས་ཅད་ལྟུང་བར་བྱ་བ་དང་། ཀླུ་འདོན་པར་བྱ་བ་དང་། གནོད་སྦྱིན་རྗེས་སུ་འབྲང་བར་བྱ་བ་དང་། སྲིན་པོ་སྐྲག་པ་དང་། མཁའ་འགྲོ་མ་ལ་སོགས་པའི་གདོན་ཐམས་ཅད་དང་།
99a4 བདུད་ཀྱི་དཔུང་ཐམས་ཅད་གཞོམ་པ་དང་། མ་མོ་རྣམས་གདུལ་བ་དང་། གདུག་པའི་ཚོགས་རྣམ་པར་གཏོར་བ་དང་། གདུག་པ་རྣམས་ཚར་གཅོད་པ་དང་། འདམ་པ་དང་། འཇིགས་པ་མེད་པར་ཡང་དག་པར
99a5 བསྐྱེད་པ་དང་། ནོར་བུ་བཟང་པོ་དབང་དུ་བྱ་བ་དང་། ནོར་སྦྱིན་ལས་ནོར་ཐམས་ཅད་དབྲོག་པ་དང་། རྣམ་ཐོས་སྲས་མནན་ནས་དཔལ་དྲང་བ་དང་། ལྷའི་བུ་མོ་གཞོན་ནུ་མ་ཐམས་ཅད་དང་རྩེ་འཇོ་བྱ་བ་དང་།
99a6 བརྒྱ་བྱིན་མནན་ནས་བདེ་ཙོག་མ་དབྲོག་པ་དང་། སྐེམ་བྱེད་ཚོར་གཅད་པ་དང་། ཚངས་པ་ལྷུང་བར་བྱ་བ་དང་། ཁྱབ་འཇུག་འདུལ་བ་དང་། དབང་ཕྱུག་ཆེན་པོ་ལས་རྣམ་པར་རྒྱལ་བ་དང་། འདོད་པའི་དབང
99a7 ཕྱག་མནན་ནས་དགའ་བ་མོ་དབྲོག་པ་དང་། རྡོ་རྗེ་སྒྲུབ་པ་དང་། བྱང་ཆུབ་སེམས་དཔའ་སྒྲུབ་པ་དང་། དེ་བཞིན་གཤེགས་པ་ཐམས་ཅད་མཉེས་པར་བྱ་བ་དང་། དགུག་པ་དང་། གཞུག་པ་དང་།
iiif viewer powered by OpenSeadragon