| e-texts navigator |
| Wylie |
97b1 ཐམས་ཅད་དང་། འཇིག་རྟེན་གསུམ་པོ་ཐམས་ཅད་ཡང་དག་པར་འདུལ་བ་ཉིད་དུ་བྱིན་གྱིས་རློབ་པར་མཛད་དོ།། དེ་ནས་དབང་བསྐུར་བ་རྒྱས་པ་ལ་སོགས་པ་དེ་བཞིན་དུ་བྱས་ལ་རྡོ་རྗེ་ཁྲོ་བོའི་ལས་བཞི
97b2 པ་བསླབ་པར་བྱ་སྟེ། ཕྱག་རྒྱ་རྣམས་ཀྱིས་སེམས་ཅན་རྣམས་རྒྱས་གདབ་པ་དང་། ཕྱག་རྒྱ་གཞིག་པ་དང་། གསད་པ་དང་། སླར་འཚོ་བར་བྱའོ།། གང་ལ་ཕྱག་རྒྱ་སྦྱར་བ་ནི་འཆི་བར་འགྱུར་བ
97b3 དེ་ནི་གདུག་པ་ཡིན་པར་ཤེས་པར་བྱའོ། ། དེ་ནས་འཚོ་བར་བྱེད་པའི་ཕྱག་རྒྱས་འཚོ་བར་བྱས་ལ་ཤིན་ཏུ་སྲུང་བ་རབ་ཏུ་སྦྱར་བ་བྱས་ན་ཤིན་ཏུ་སྲུང་བ་ཡིན་པའི་ཕྱིར་གདུག་པ་རྣམས་སླར་ཡང
97b4 གནོད་པར་མི་བྱེད་དོ། ། དེ་ནས་བརྩམས་ཏེ་སློབ་མ་བཟང་།། དཀྱིལ་འཁོར་ཚོགས་ནི་ཀུན་གྱིས་ཀྱང་།། མི་ཚུགས་པ་དང་མི་སོད་པར།། ཚེ་འདི་ཉིད་ལ་འགྲུབ་པར་འགྱུར།། དེ་ནས་འདི་སྒྲུབ
97b5 བཤད་བྱ་སྟེ། ། ཇི་བཞིན་སྐུ་ནི་དགེ་འདུན་དུ།། རྡོ་རྗེ་གསོར་ཞིང་དང་པོར་ནི།། བཟླས་བརྗོད་སྟོང་ཕྲག་བརྒྱ་བྱའོ།། འབུམ་ཚང་ནས་ནི་སེམས་དཔའ་ཆེ།། རྡོ་རྗེ་སེམས་དཔའ་དང་མཉམ་མཆོག།
97b6 རྡོ་རྗེ་ཁྲོ་བོ་རྒྱལ་པོ་མཆོག། རྒས་དང་འཆི་བ་མེད་པར་འགྱུར།། གདུག་པ་རྣམས་ནི་རྗེས་འདུལ་ཞིང་།། སངས་རྒྱས་ཀུན་ལ་རབ་མཆོད་པར།། འཇིག་རྟེན་གསུམ་དུ་ལེགས་སྣང་ཞིང་།།
97b7 ཅིས་ཀྱང་འཇིགས་པ་མེད་པར་འགྱུར།། དེ་ནས་དེ་ཁོ་ན་ཉིད་ཀྱི་སྙིང་པོ་སྒྲུབ་པ་ནི། འགྲེང་ངམ་ཡང་ན་འདུག་པའམ།། འགྲོ་བ་འམ་ཉལ་བར་བྱེད་པ་ན།། ཇི་ལྟར་དེ་ལྟར་འབུམ
iiif viewer powered by OpenSeadragon