| e-texts navigator |
| Wylie |
95b1 རྣམ་གྲོལ་བ། ། གདོད་སྐྱེས་རྡོ་རྗེ་གནོད་སྦྱིན་ཆེ།། དཀོན་མཆོག་གསུམ་དང་དེ་བཞིན་དུ།། ང་ལ་སྐྱབས་སུ་འགྲོ་བར་གྱིས།། འཇིག་རྟེན་གསུམ་གྱིས་འདི་ཐོས་ནས།། ཚོགས་བདག་ཆོས
95b2 ཀྱི་དབང་ཕྱུག་བཅས། ། བསྐལ་པའི་མི་དཔུང་ལྟ་བུ་ཡི།། འབར་བའི་མཚོན་གྱིས་འཐབ་པར་བརྩམས།། དེ་རྣམས་ཀྱིས་སྨྲས་པ། བདག་ཅག་གིས་ནི་སངས་རྒྱས་རིགས།། རྡོ་རྗེ་གནོད
95b3 སྦྱིན་ཤེས་མ་ཡིན། ། བདག་ཅག་འཇིག་རྟེན་གསུམ་པོ་གཅིག། གནོད་སྦྱིན་བསྒོ་བས་ཅི་ཞིག་བྱ།། དེ་ནས་རྡོ་རྗེ་འཛིན་ཁྲོས་ནས།། ཁྲོ་གཉེར་དཔྲལ་བར་བསྡུས་ཏེ་གནས།། དེ་ནས
95b4 ཁྲོ་གཉེར་ཐམས་ཅད་ནི། ། རྡོ་རྗེ་འཛིན་པའི་རྗེས་སུ་སྤྱོད།། གཡོན་པ་བསྙེམས་པ་ཆུ་བཅས་པས།། སྨིན་མ་སྤྱན་བསྡུས་པས་རྒོད་ཅིང་།། ནམ་མཁའ་ཁྱབ་པའི་དབྱངས་ཀྱིས
95b5 ནི། ། རྟག་ཏུ་ཁྲོས་བཅས་པས་སྨྲས་སོ།། དེ་ལ་ཁམས་གསུམ་རྣམ་པར་རྒྱལ་བའི་ཉེ་བའི་སྙིང་པོ། སེམས་ཅན་མ་ལུས་རྒྱལ་བ་ལ་ནི་འདི་ཡིན་ཏེ།། ཧི། དེ་ནས་སྙིང་པོ་འདི་ཕྱུང
95b6 བས། ། ངེས་རྒྱལ་བཅུ་གཅིག་བཅིངས་པ་དང་།། དམ་ཚིག་བརྟན་པ་འཛིན་དུ་བཅུག། རྡོ་རྗེ་མིང་གིས་དབང་བསྐུར་ནས།། ལག་ན་རྡོ་རྗེ་འཛིན་མཆོག་བྱས།། རྡོ་རྗེ་མིང་ནི
95b7 བྱིན་ནས་སུ། ། འཇིག་རྟེན་གསུམ་པོ་ཏིང་འཛིན་བཞག། དེ་ནས་རྡོ་རྗེ་ཆེན་པོ་མཆོག། མགོན་པོ་ཡིས་ནི་གསོལ་བཏབ་པ།། སེམས་ཅན་ཀུན་ལ་རྗེས་སྟོན་པས།། རྟོག་པ་འདི་ན།
iiif viewer powered by OpenSeadragon