| e-texts navigator |
| Wylie |
94b1 གསོར་བས་བསྐྱོད་མཛད་ཅིང་། ། འབར་བའི་རྡོ་རྗེ་ཆེར་འབར་བ།། རྣམ་པར་འཕྲོས་པས་སྲེག་པ་ཡང་།། འབར་བ་ཆེན་པོས་གསོད་པ་ནི།། བསྐལ་པའི་མེ་ཡི་ཕུང་པོ་འདྲ།། དང་པོའི་རྡོ་རྗེ
94b2 ཁྲོ་གཉེར་བཅས། ། རྡོ་རྗེ་མཆོག་འཛིན་པས་གསུངས་པ།། དེ་ལ་རྡོ་རྗེ་མེ་དང་ཉི་མ་ལྟར།། འབར་བ་ཞེས་བྱའི་སྙིང་པོ་འདི་ཡིན་ཏེ།། ཧཱུཾ། དེ་ནས་འདི་ནི་གསུངས་ཙམ་གྱིས།། སྡིག་པ་ཀུ།
94b3 གྱི་བུད་ཤིང་ཟད།། འཇིག་རྟེན་ཁམས་ཀྱི་འཇིག་རྟེན་གསུམ།། ཐམས་ཅད་གཡོས་ཤིང་འདུལ་བར་འགྱུར།། ལྷ་ཆེན་ལ་སོགས་ལྷ་རྣམས་ནི།། གཡོ་བ་མེད་ཅིང་རྨོངས་པར་འགྱུར།
94b4 རྡོ་རྗེ་འབར་བ་འཁྲུག་པ་ཀུན།། དེ་བཞིན་འཇིག་པ་ལྟ་བུར་འགྱུར།། ཉན་ཐོས་དང་ནི་རང་རྒྱལ་རྣམས།། མྱ་ངན་འདས་པ་ཉེ་བར་འགྲོ།། ལྷ་ལ་སོགས་པའི་སྲིད་གསུམ་ཀུན།། དེ་ཚེ
94b5 ཀུན་ཏུ་རྨོངས་པར་འགྱུར། ། སངས་རྒྱས་ཐམས་ཅད་འདུས་པ་ཡིན།། སངས་རྒྱས་བྱང་ཆུབ་ཡང་བསྟན་མཛད།། སེམས་དཔའ་ཀུན་གྱི་ཐབས་ཆེན་པོ།། དམ་པ་ཡང་ནི་ཐུགས་སུ་ཆུད།།
94b6 དེ་ནས་རྡོ་རྗེ་འབར་བའི་མཆོག། འབར་བའི་འཕྲེང་བ་འཁྲུག་པའི་འོད།། རྡོ་རྗེ་མཆེ་བ་གཙིགས་པའི་ཞལ།། ཞལ་རས་ཁྲོ་དང་བཅས་པ་ཡིས།། གཡོན་བརྐྱང་བས་ནི་ལེགས་པར་བཞུགས
94b7 སྤྱན་འབར་འཇིགས་སུ་རུང་བ་སྟེ། ། དབུ་སྐྲ་གྱེན་དུ་བརྫེས་ཤིང་གཡོ།། ཀུན་ནས་འཁྱིལ་ཅིང་འབར་བ་ཆེ།། རྡོ་རྗེ་གསང་བའི་རྣལ་འབྱོར་ཆེ།། མཁའ་འགྲོའི་ཚོགས་ཀྱི་ཡུལ་ཅན་རྣམས།
iiif viewer powered by OpenSeadragon