| e-texts navigator |
| Wylie |
91b1 བརྗོད་དགོད། ། མདུན་དུ་བདུད་ལས་རྣམ་པར་རྒྱལ།། མཛད་པའི་སངས་རྒྱས་ཡང་དག་བྲི།། གཡས་སུ་བྱང་ཆུབ་སེམས་དཔའ་ཡི།། ནོར་ཆེན་པོས་ནི་དབང་བསྐུར་བ།། རྒྱབ་ཏུ་བྱང་ཆུབ་སེམས
91b2 དཔའ་དང་། ། མཉམ་དུ་ཆོས་ཀྱི་འཁོར་ལོ་བསྐོར།། གཡོན་དུ་ལོག་པར་རྣམས་དྲེགས་པ།། སྡིག་པ་བསྡུས་པར་འབྱིན་པའོ།། དེ་ནས་འདི་རྣམས་ཀྱི་སྙིང་པོ་ནི། བཛྲ་སཏྭ། བཛྲ་རཏྣ།
91b3 བཛྲ་དྷརྨ། བཛྲ་ཀརྨ། དེ་ནས་ཕྱག་རྒྱ་རྣམས་ཏེ། སཏྭ་བཛྲ། བཛྲ་རཏྣེ། བཛྲ་པདྨེ། བི་ཤྭ་བཛྲ། མཚམས་ཀྱི་ཆར་ནི་རྡོ་རྗེ་དང་།། རིན་ཆེན་སྡོང་བུ་ནོར་བུ་བྲིའོ།། མཚམས་རྣམས་སུ
91b4 ནི་ལྷ་མོ་སྟེ། ། ལྕགས་ཀྱུ་ལ་སོགས་སྒོ་རྣམས་སུ།། དེ་བཞིན་སྔ་མ་ཇི་ལྟ་བར།། འཁོར་ལོ་དེ་ནི་རྟག་པར་བྱ།། མཆོད་པའི་ཐལ་མོ་སྙིང་ཁར་བཅིངས།། གཡོན་དུ་དེ་བཞིན་བསྐོར་བར་བྱ།།
91b5 མེ་ཏོག་དང་བཅས་ཕྱག་རྒྱ་འདི།། སངས་རྒྱས་ཀུན་གྱི་དམ་ཚིག་རིམ།། མེ་ཏོག་བཅས་ཏེ་སྙིང་ཁར་བཅིང་།། བསམ་པ་གཡོས་པས་གདུང་པར་བྱ།། མགོན་ལ་མགོ་བོས་ཕྱག་བྱས
91b6 ལ་སྐོར་བ་ལན་གསུམ་བྱས་ནས་ནི། ། ཞུགས་ནས་མེ་ཏོག་དོར་བར་བྱ།། ཤིན་ཏུ་གསང་བ་ཡང་དག་དགུག། དེ་ལ་དེ་བཞིན་གཤེགས་པ་ཐམས་ཅད་མཉེས་པར་བྱ་བ་དང་། དབང་དུ་བྱ
91b7 བ་དང་། དགུག་པ་དང་། བསྒྲུབ་པར་བྱ་བའི་སྙིང་པོ་འདི་ཡིན་ཏེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱ་དྱ་ནུཧ་བན་ན་ཏཱཏ། དེ་ནས་ཆོ་ག་ཇི་བཞིན་དུ།། སྟོན་ལ་མེ་ཏོག་སིལ་མ་དོར།།
iiif viewer powered by OpenSeadragon