| e-texts navigator |
| Wylie |
90b1 དོན་ཡོད་པའི་དམ་ཚིག་གི་ཆོ་ག་རྒྱས་པའི་རྟོག་པའོ། ། །། དེ་ནས་སྟོན་པ་རྡོ་རྗེ་འཛིན།། འབྱིན་པ་བྱེད་པ་བདེ་བ་ཆེ།། བདེ་ཆེན་ཅན་དུ་བསྟན་ཕྱིར་དང་།། སེམས་ཅན་ཐམས
90b2 ཅད་རྣམ་དག་ཕྱིར། ། ཁམས་ཀུན་དང་མཉམ་ཟད་པ་མེད།། ཀུན་གྱི་བདག་ཉིད་ལ་ཞུགས་ཏེ།། མཉམ་པའི་དངོས་གྲུབ་མཆོག་སྤྲོས་ནས།། དེ་བཞིན་གཤེགས་པའི་རིགས་ཕྱུང
90b3 ངོ་། ། མཐའ་ཡས་པ་ཡི་ཞིང་ཐམས་ཅད།། འཇིག་རྟེན་ཀུན་གྱི་ཁམས་བཅས་པས།། དེ་ཚེ་སངས་རྒྱས་ཐམས་ཅད་ཀྱིས།། ཏིལ་གྱི་གང་བུ་བཞིན་མྱུར་གང་།། འཇིག་རྟེན་ཁམས
90b4 ནི་ཐམས་ཅད་དུ། ། སེམས་ཅན་ཀུན་མདུན་ཡང་དག་བཞུགས།། སེམས་ཅན་ཐམས་ཅད་མ་དག་པས།། རུང་རིག་ལས་ཀྱིས་དག་མ་གྱུར།། དེ་ཚེ་སེམས་ཅན་ཁམས་རྣམས་ནི།།
90b5 རང་བཞིན་གྱིས་ནི་གསོ་དཀའ་ཕྱིར།། རང་གི་ལས་ནི་སྦྱང་དོན་དུ།། བཏང་སྙོམས་ཆེན་པོ་མཛད་པ་ཡིན།། དེ་ནས་བཅོམ་ལྡན་རྡོ་རྗེ་ཅན།། སེམས་དཔའ་ཆེན་པོ་བདེ་བ་ཆེ།།
90b6 བྱང་ཆུབ་ཆེན་པོར་ཐུགས་བརྟན་པས།། སྐད་ཅིག་གིས་ནི་ཡང་དག་བསྐུལ།། སེམས་ཅན་ལ་ཕན་བསོད་ནམས་ཚོག། བྱང་ཆུབ་སེམས་ནི་བརྟན་པ་དག། སེམས་ཅན་ཁམས
90b7 ནི་རྒུད་འགྱུར་བས། ། ཤིན་ཏུ་བཏང་སྙོམས་མ་མཛད་ཅིག། དེ་ནས་སངས་རྒྱས་ཀྱིས་གསུངས་པ།། སྐུ་གསུང་ཐུགས་ཀྱི་རྡོ་རྗེ་ཅན།། ཐུགས་རྗེའི་བདག་ཉིད་ཅན་གྱི་ཐབས།།
iiif viewer powered by OpenSeadragon