| e-texts navigator |
| Wylie |
90a1 ལ་ནི་རྡོ་རྗེ་གར་གྱི་སྐྱེས་བུ་བྱེད་པ་ཆེན་པོས་སོ། ། མཆོད་པ་ཐམས་ཅད་སྒྲུབ་པ་དང་། ཐམས་ཅད་རྡོ་རྗེར་བྱ་བ་དང་། བདུད་ལ་སོགས་པ་ཐམས་ཅད་རབ་ཏུ་གཞོམ་པ་དང་།
90a2 ཕྱག་རྒྱ་ཐམས་ཅད་བཅིང་བ་དང་། དངོས་གྲུབ་ཀྱི་མཆོག་ལ་སོགས་པ་མ་ལུས་ཤིང་ལུས་པ་མེད་པའི་དངོས་གྲུབ་ཐམས་ཅད་ལས་ཀྱི་རྒྱུ་མྱུར་དུ་གྲུབ་པར་བྱ་བ་ལ་ནི་རྡོ་རྗེ་གར་གྱི་དོན་ཡོད་ཅིང་ཐོག
90a3 པ་མེད་པའི་མྱུར་བའི་ལས་སྣ་ཚོགས་ཀྱི་དངོས་གྲུབ་ཀྱིས་སོ། ། དེ་ནས་ཕྱག་རྒྱ་ཐམས་ཅད་སྒྲུབ་པའི་ཆོ་ག་རྒྱས་པའི་རྒྱུད་དོ།། ཉིན་རེ་དང་པོ་ལན་ཅིག་ནི།། ཕྱག་རྒྱས་ཐམས་ཅད་རབ་སྒྲུབ་བྱེད
90a4 སྙིང་མཆོག་ལན་ཅིག་བཟླས་ནས་ནི། ། ཕྱག་རྒྱ་ཆེན་པོ་རབ་གྲུབ་བྱ།། དེ་ཡི་རྗེས་ལ་ཉེ་སྙིང་པོ།། ལས་རྣམས་ཀུན་ལ་ངེས་སྦྱར་བས།། དོན་ཡོད་གྲུབ་པས་ལས་རྣམས་ནི།། ཀུན་ལ
90a5 ཤིན་ཏུ་གྲུབ་པར་འགྱུར། ། ཕྱག་རྒྱ་ཐམས་ཅད་རབ་བྱིན་རློབ།། ཕྱག་ན་རྡོ་རྗེའི་ཕྱག་རྒྱ་ནི།། དཀྱིལ་འཁོར་དག་ཀྱང་མཐོང་བ་ལ།། མ་བཤད་པ་ལའང་རབ་གྲུབ་འགྱུར།། རྟོག་འདིར
90a6 འཇིག་པ་ཡོད་མིན་ཏེ། ། འཁོར་ལོ་མེད་པའི་བརྒྱ་བྱིན་ལ།། གང་ཕྱིར་བདག་ལ་བྱིན་རློབ་པས།། རང་སྲས་རྒྱུ་ནི་འགྱུར་བ་ཡིན།། སྡིག་པ་ཆེན་པོ་བྱེད་པ་ལའང་།། བསམ་པ
90a7 ཤེས་ནས་སྦྱིན་པར་བྱ། ། འདི་དག་བཅིངས་ཙམ་ཉིད་དག་བྱེད།། དངོས་གྲུབ་ཐམས་ཅད་འགྲུབ་པར་འགྱུར།། དཔལ་མཆོག་དང་པོའི་རྟོག་པ་ཆེན་པོའི་རྒྱལ་པོ་བདེ་བ་ཆེན་པོའི་རྡོ་རྗེ
iiif viewer powered by OpenSeadragon