| e-texts navigator |
| Wylie |
89b1 ཀྱིས་སོ། ། ཁྲོ་བོ་ཐམས་ཅད་བསལ་བ་དང་། བཞིན་རས་དང་བར་བྱ་བ་དང་། རྩོད་པ་ལས་རྒྱལ་བ་དང་། འཇིགས་པ་ལས་ཐར་པ་དང་། གཡུལ་འགྱེད་པ་ལ་སོགས་པའི་རྒྱལ་བ
89b2 སྒྲུབ་པ་ལ་ནི་རྡོ་རྗེ་གར་གྱི་རྒྱལ་མཚན་མཆོག་གི་དཔུང་རྒྱན་གྱིས་སོ། ། སྤྲིན་ཐམས་ཅད་ཡང་དག་པར་གཟུང་ཞིང་མི་གཡོ་བར་བྱ་བ་དང་། ཆར་ཆེན་པོ་དབབ་པ་དང་། རླུང་དང་། ཆར་དང་། གློག
89b3 དང་སེར་བ་བཟློག་པ་དང་། དྲོ་བ་དང་། གྲང་བ་བསལ་བ་ལ་ནི་རྡོ་རྗེ་གར་གྱི་དབང་པོའི་རྡོ་རྗེས་སོ།། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ཐམས་ཅད་ཤིན་ཏུ་གྲུབ་པ་ལ་ནི
89b4 རྡོ་རྗེ་གར་གྱི་འདོད་པའི་དབང་ཕྱུག་གིས་སོ། ། རྒྱུ་བ་དང་མི་རྒྱུ་བ་ཐམས་ཅད་རྗེས་སུ་ཆགས་པ་དང་། དགུག་པ་དང་། དབང་དུ་བྱ་བ་དང་། རྩེ་བ་དང་། ལས་ཐམས་ཅད་ལ་ངེས་པར
89b5 སྦྱར་བ་ལ་ནི་རྡོ་རྗེ་གར་གྱི་དངོས་གྲུབ་ཐམས་ཅད་ཀྱིས་སོ། ། ལྷ་ཐམས་ཅད་དབབ་པ་དང་། ཀླུ་ཐམས་ཅད་དབང་དུ་བྱ་བ་དང་། གནོད་སྦྱིན་དང་། འབྱུང་པོ་དང་། མ་མོ་ཐམས་ཅད
89b6 ལས་ལ་ངེས་པར་སྦྱར་བ་ལ་ནི་རྡོ་རྗེ་གར་གྱི་རྡོ་རྗེ་གླུའི་མཆོག་གིས་སོ། ། རྣམ་ཐོས་སྲས་མནན་ནས་དཔལ་དྲང་བ་དང་། ལྷའི་བུ་མོ་ཐམས་ཅད་རབ་ཏུ་དབྲོག་པ་དང་། ལྷ་དང་ལྷ་མ་ཡིན
89b7 གྱི་བུད་མེད་ཐམས་ཅད་རྩེ་བ་དང་། འཇིག་རྟེན་གསུམ་མ་ལུས་པ་ལས་རྒྱལ་བ་དང་། འདོད་པའི་དབང་ཕྱུག་ཐམས་ཅད་ལས་རྒྱལ་བ་དང་། དབང་ཕྱུག་ཆེན་པོ་ཐམས་ཅད་དབྲོག་པ
iiif viewer powered by OpenSeadragon