| e-texts navigator |
| Wylie |
89a1 དུ་གཞུག་པ་དང་། རབ་ཏུ་གདུལ་བ་དང་། སྲུང་བ་ལ་ནི་རྡོ་རྗེ་གར་གྱི་གདོན་ལས་ཐར་པའོ།། ཐམས་ཅད་ལ་བཅིང་བ་དང་། ཐར་པ་དང་། དྲལ་བ་དང་། ལྷུང་བ་དང་།
89a2 ལྡང་བ་ལ་ནི་རྡོ་རྗེ་གར་གྱི་རྡོ་རྗེ་ཆེན་པོའི་ཁྲོ་བོས་སོ།། མཁའ་འགྲོ་མ་ཐམས་ཅད་ཀྱི་ཕྱག་རྒྱ་གཞིག་པ་དང་། གདོན་ལས་ཐར་པར་བྱ་བ་དང་། ཤི་བ་བསླང་བ་དང་། ཚེ་མངོན་པར་འཕེལ
89a3 བ་དང་། ཤིན་ཏུ་སྲུང་བ་ལ་ནི་རྡོ་རྗེ་གར་གྱི་ཕྱག་རྒྱའི་ལན་གྱིས་སོ།། སྒྲིབ་པ་ཐམས་ཅད་དང་། སྡིག་པ་ཐམས་ཅད་དང་། རྨི་ལམ་ངན་པ་དང་། ལྷས་ངན་པ་དང་། བྱུར་གཞིག་པ་ལ
89a4 ནི་རྡོ་རྗེ་གར་གྱི་ཞི་བས་སོ། ། ཐམས་ཅད་དབབ་པ་དང་། བསྐྱོད་པ་དང་། གར་བྱེད་དུ་གཞུག་པ་དང་། ཐམས་ཅད་བདེན་པར་སྨྲར་གཞུག་པ་དང་། པྲ་སེ་ན་ཐམས་ཅད་སྒྲུབ་པ་ལ་ནི་རྡོ་རྗེ
89a5 གར་གྱི་ཐམས་ཅད་འབེབས་པའི་ཕྱག་རྒྱས་སོ། ། ཐམས་ཅད་རྒྱས་གདབ་པ་དང་། གསད་པ་དང་། ལྷུང་བར་བྱ་བ་དང་། བསླང་བ་དང་། སླར་གསོ་བ་ལ་ནི་དོན་ཡོད་གྲུབ་པའི་རྡོ་རྗེ་གར
89a6 གྱི་མཁའ་འགྲོ་མ་ཆེན་མོས་སོ། ། ཐམས་ཅད་རེངས་པར་བྱ་བ་དང་། རྨོངས་པར་བྱ་བ་དང་། གཉིད་ལོག་པར་བྱ་བ་དང་། གསད་པ་དང་། བཟའ་བར་བྱ་བ་ལ་ནི་རྡོ་རྗེ་གར་གྱི་གདུག
89a7 པའི་སྲིན་པོས་སོ། ། གཞན་གྱི་དཔུང་ཐམས་ཅད་སྐྲག་པར་བྱ་བ་དང་། གཞིག་པར་བྱ་བ་དང་། དབང་དུ་བྱ་བ་དང་། ལྷུང་བར་བྱ་བ་དང་། གསད་པར་བྱ་བ་ལ་ནི་རྡོ་རྗེ་གར་གྱི་གཤེད་བྱེད
iiif viewer powered by OpenSeadragon