| e-texts navigator |
| Wylie |
83b1 བ་ནི། སྤྱི་བོ་ནས་ནི་མྱུར་དུ་དོར།། གང་དུ་མེ་ཏོག་བབས་གྱུར་དེ།། ལྷག་པའི་ལྷར་ནི་རབ་གྲུབ་འགྱུར།། དེ་ནས་ལྷ་ཡི་ཆུ་ཡིས་ནི།། རྡོ་རྗེ་འཛིན་པ་རང་དབང་བསྐུར།། རྡོ་རྗེ་ཆེན་པོ་རྡོ་རྗེ་ལྔ།
83b2 ཕྱིན་ལ་རྡོ་རྗེ་བོ་དྷི་བརྗོད།། ཨོཾ་མ་ཧཱ་སུ་ཁ་བཛྲ། བཛྲ་ཨ་བྷི་ཥེ་ཀེ་ན་སྟྭཾ། ཨ་བྷི་ཥིཉྩཱ་མི། མ་ཧཱ་བཛྲ་དྷཱ་ར། ཧེ་བཛྲ་ནཱ་མ་སིདྡྷི་ན་མཿ། གང་ལ་རྡོ་རྗེ་མིང་གང་ཞིག་ཡིན་པ་དེ་ལ་ཀྱེ་ཞེས་བྱ་བའི་སྒྲ་དང
83b3 སྦྱར་བར་བྱའོ། ། དེ་ནས་སྙིང་པོ་བྱིན་ལ།། ཕྱག་རྒྱ་བཅིང་བ་བརླབས་ནས་ཇི་ལྟར་མངོན་པར་འདོད་པ་གྲུབ་པར་བྱའོ།། རྡོ་རྗེ་སེམས་དཔའི་ཆོ་ག་འམ།། གང་འདོད་རང་གི་གྲུབ་པ་ལ།།
83b4 དེ་ཉིད་ཀྱིས་ནི་དམ་ཚིག་ཉིད།། འཇུག་ལ་སོགས་པའི་ཆོ་ག་བཤད།། འཇིག་རྟེན་པ་ནི་སྣ་ཚོགས་དང་།། དེ་བཞིན་འཇིག་རྟེན་འདས་པ་ཡང་།། ཐམས་ཅད་རང་གི་ངོ་བོ་ནི།། རྒྱས
83b5 པར་བསྒྲུབས་ན་རབ་ཏུ་གྲུབ། ། འདི་ལ་རབ་ཏུ་འཇུག་ཙམ་གྱིས།། མི་ཚུགས་པ་དང་མི་ལྡོག་པ།། ཉིད་དུ་རྒྱལ་བའི་སྲས་འགྱུར་ཞིང་།། བདེ་ཆེན་རབ་ཏུ་གྲུབ་པ་སྟེར།། དེ་ནས་རྡོ་རྗེ་འཛིན་སློབ
83b6 དཔོན། ། མནའ་ནི་མང་དུ་བསྒྲགས་ནས་ཀྱང་།། དེ་ཉིད་ཆོས་དང་དམ་ཚིག་ནཱི།། རང་ཉིད་དང་ནི་གཞན་གྱིས་བརླབ།། དེ་ལ་འདི་ནི་མན་འ་གྲུབ་པའི་རྡོ་རྗེ་ཆུས་དབང་བསྐུར་ནས་བརྗོད་པར་བྱའོ།། འདི
83b7 ནི་ཁྱོད་ཀྱི་དམྱལ་བའི་ཆུ། ། དམ་ཚིག་འདས་ན་སྲེག་པར་བྱེད།། དམ་ཚིག་སྲུང་ན་འགྲུབ་པར་འགྱུར།། དངོས་གྲུབ་རྡོ་རྗེ་བདུད་རྩི་ཆུ།། དེ་ཉིད་ཆོས་དང་དམ་ཚིག་ནི།། གལ་ཏེ་དཀྱིལ་འཁོར
iiif viewer powered by OpenSeadragon