| e-texts navigator |
| Wylie |
82b1 དགའ་བས་མགོན་ལ་མཆོད། ། རང་གི་ཕྱག་རྒྱ་ལན་ཅིག་ནི།། རང་གི་ཕྱག་རྒྱས་བཅིངས་ཏེ་གྲུབ།། དེ་ནས་ལྷ་ཡི་ཆུ་དང་ནི།། དེ་བཞིན་སྐུ་མཆོག་གིས་དབང་བསྐུར།། རང་གི་སྙིང་པོ་རྗེརྗེ
82b2 ཕྱག། སྙིང་པོ་འདི་ནི་བླང་བར་བྱ།། དེ་ལ་རྡོ་རྗེ་སེམས་དཔར་དབང་བསྐུར་བའི་སྙིང་པོ་འདི་ཡིན་ཏེ། ཧཱུཾ་མ་ཧཱ་སུ་ཁ་བཛྲ་སཏྭ་ཨ་བྷི་ཥེ་ཀེ་ན་ཧྲིཿ་བྷི་ཥིཉྩཱ་མི། སཱརྦ་བཛྲ་ཨ་དྷི་པ་ཏི་སྟྭཾ་དྲྀ་ཌྷོ་མོ་བྷཱ་བ་མི
82b3 ། དྷ་ནཱ་མ་མ་སྟེ་བྷ་ག་བཱ་ན། མ་ཧཱ་བཛྲ་དྷ་ར་སུ་ར་ཧ་སྟྭཾ། མ་ཧཱ་བཛྲ་སཏྭ། ཨོཾ་བྷུརྨྨ་བ་སྭ། དེ་ནས་རྡོ་རྗེ་དབང་བསྐུར་བ།། ཕྱག་ན་རྡོ་རྗེ་མི་འཛིན་པ།། རྡོ་རྗེ་འཛིན་ཆེན་སློབ་དཔོན་དུ།། འདི་ཉིད་དུ
82b4 ནི་རབ་གྲུབ་འགྱུར། ། དེ་ནས་ཀྱང་ནི་ཅི་འདོད་པར།། ཆོ་གའི་དམ་པ་བསྒྲུབས་ནས་ནི།། རྡོ་རྗེ་གར་གྲིས་མཆོད་པ་ཡིས།། ལེགས་པར་མཆོད་ལ་ཕྱིར་ཕྱུང་བྱ།། དེ་ནས་བརྩམས་ཏེ་རྡོ་རྗེའི
82b5 བདག། རྡོ་རྗེ་ཀུན་གྱིས་གསང་རབ་འཛིན།། རྡོ་རྗེ་ཐམས་ཅད་འཛིན་སློབ་དཔོན།། དངོས་གྲུབ་ཐམས་ཅད་གྲུབ་པར་འགྱུར།། རྡོ་རྗེ་སེམས་དཔའི་དངོས་གྲུབ་ཆེ།། ཕྱག་རྒྱ་ཀུར་བདག་དང
82b6 ཕུག་ཆེ། ། དྷཱིཿཐམས་ཅད་མཁྱེན་པའི་རྡོ་རྗེ་ཆེ།། ལས་རྣམས་ཐམས་ཅད་ནུས་ལ་བརྟག། མི་ཚུགས་པ་དང་མི་སོད་པ།། ཀུན་བྱེད་དངོས་གྲུབ་ཐམས་ཅད་སྟེར།། སེམས་ཅན་ཀུན་གྱི
82b7 རྒྱལ་པོ་ཆེ། ། ཚར་གཅོད་པ་དང་ཕན་འདོགས་ནུས།། ཐམས་ཅད་རྗེས་ཆགས་བྱེད་ཀུན་མཆོག། ཀུན་རིགས་པ་དང་ཀུན་གྱི་བདག། འདོད་པ་ཐམས་ཅད་ལ་རབ་སྦྱོར།། ཕུན་ཚོགས་ཀུན་གྱི
iiif viewer powered by OpenSeadragon