| e-texts navigator |
| Wylie |
82a1 གྲུབ་ཆེ། ། ཆོས་དང་ལས་ནི་ཁམས་ཆེན་པོ།། དམ་པའི་ཆོས་ཏེ་ལས་མཆོག་བདག། བྱང་ཆུབ་སེམས་ནི་རབ་སྦྱོང་མཛད།། རྡོ་རྗེ་ཁྲོ་བོ་ཁྲོ་བོ་ཆེ།། དུས་མཐའ་ལྟར་བྱ་བར་འདུལ
82a2 བ་པོ། ། འདུལ་མཛད་ཆེན་པོ་གདུག་པའི་མཆོག། དྲག་པོ་དྲག་ཉིད་ཟད་མཛད་པ།། ཐམས་ཅད་དག་པ་པདྨ་ཆེ།། ཤེས་རབ་ཐབས་ཏེ་ཚུལ་ཆེན་པོ།། འདོད་ཆགས་དག་པ་ཏིང་འཛིན་མཆོག།
82a3 སྣ་ཚོགས་ཆགས་པ་དབང་ཕྱུག་ཆེ།། ནམ་མཁའ་མཐའ་ཡས་བརྟག་པའི་དོན།། འབྱུང་པོ་ཐམས་ཅད་གནས་ཆེན་པོ།། འབྱོར་པ་པོ་ནི་ཐམས་ཅད་གནས།། འབྱོར་པ་དཔལ་དང་གཙོ་བོ་རྒྱལ།།
82a4 བསམ་པ་ཐམས་ཅད་རྫོགས་མཛད་པ།། ཕྱག་འཚལ་ཁྱོད་ལ་ཕྱག་འཚལ་ལོ།། ཕྱག་འཚལ་འདུད་ཅིང་ཕྱག་འཚལ་ལོ།། དད་པས་ཁྱེད་ལ་བདག་རྟེན་བགྱིད།། རྡོ་རྗེ་སེམས་དཔའ་བདག་གྲུབ
82a5 མཛོད། ། གང་ཞིག་བསྟོད་པའི་རྒྱལ་པོ་འདི།། ཉིན་རེ་ནང་པར་རྗོད་བྱེད་དམ།། ཆོས་ཀྱི་ཚིག་གིས་ལན་ཅིག་བརྗོད།། དངོས་གྲུབ་ཤིན་ཏུ་མྱུར་བར་འགྱུར།། གལ་ཏེ་འདིར་གྲུབ་མི་འདོད་ན།།
82a6 དང་པོར་ཉིན་རེ་དུས་གསུམ་དུ།། བསྟོད་ན་སྡིག་པ་ལས་ངེས་གྲོལ།། ཞིང་དག་པ་ནི་གྲུབ་པར་བྱེད།། རྟག་ཏུ་སྡུག་བསྔལ་ཐམས་ཅད་སེལ།། ལན་ཅིག་རབ་ཏུ་བརྗོད་པ་ཡིས།། དངོས་གྲུབ
82a7 ཐམས་ཅད་སྐལ་བཟང་བྱེད། ། ཕུན་སུམ་ཚོགས་དཔལ་འཕེལ་བར་བྱེད།། ཀུན་གྲུབ་དོན་ཡོད་ཡོན་ཏན་ཅན།། མཚན་བརྒྱ་རྩ་བརྒྱད་དམ་པའོ།། དེ་ནས་གསང་བའི་མཆོད་པས་ནི།། རབ་ཏུ
iiif viewer powered by OpenSeadragon