| e-texts navigator |
| Wylie |
79b1 གཟུགས་རྣམས་ལྷ་མོས་མཆོད་པའོ། ། རྒྱན་རྣམས་ཀུན་གྱིས་བཀྲ་བ་ནི།། བསམ་པ་ཐམས་ཅད་རྫོགས་བྱེད་པ།། གདུལ་བས་སྐྱོད་པ་སྣ་ཚོགས་མཆོག། དམ་ཆོས་མཆོག་སྟེ་ཀུན་ཏུ་འགྲོ།།
79b2 རླུང་གིས་སྐྱོད་པ་སྣ་ཚོགས་པའི།། བ་དན་རྩེར་བཏགས་དྲིལ་སྒྲ་སྒྲོགས།། མེ་ལོང་ཡེ་ཤེས་རྟག་མེ་ཏོག། བྱང་ཆུབ་ཡན་ལག་མེ་ཏོག་འཕྲེང་།། དྲ་བ་མེ་ལོང་མེ་ཏོག་ཆེ།། མེ་ཏོག་འཕྲེང་བའི
79b3 རྒྱན་གྱིས་བསྐོར། ། ཀུན་གྲུབ་མི་འགྱུར་བདེ་བ་ནི།། བདེ་བ་ཆེན་པོ་ཞེས་བཤད་དོ།། བདེ་བ་ཆེན་པོའི་གཞལ་ཡས་ཁང་།། དང་པོའི་གནས་དེ་བྲི་བར་བྱ།། ཐར་པ་ཆེན་པོའི་གྲོང་ཁྱེར་མཆོག།
79b4 ཀུན་མཆོག་དེ་ནི་ལེགས་བྲིས་ནས།། ཐོག་མ་མཐའ་མ་མེད་པའི་དབྱིངས།། ཕྱོགས་ཀུན་མཉམ་པ་ཉིད་དུ་བསམ།། ཕྱི་ཡི་དཀྱིལ་འཁོར་རོ།། དེ་ཡི་ནང་གི་འཁོར་ལོ་ནི།། དཀྱིལ་འཁོར་བརྒྱད
79b5 པ་ལྟ་བུ་ཡིན། ། འདི་ནི་རྣམ་ཐར་བརྒྱད་པོ་སྟེ།། དངོས་གྲུབ་ཀུན་གྱི་བདེ་བ་སྟེར།། བྱང་སེམས་ཐེག་པ་ཆེན་པོ་ཡི།། མདོ་སྡེའི་འཁོར་ལོ་རབ་བསྐོར་བ།། རྡོ་རྗེ་ཐིག་གིས་ཡོངས
79b6 བསྐོར་བ། ། རྡོ་རྗེ་འཁོར་ལོ་ཡང་དག་བྲི།། དེ་ནི་སྣ་ཚོགས་པདྨ་ཆེར།། རྡོ་རྗེ་སེམས་དཔའ་དགོད་པར་བྱ།། ལུགས་མའམ་ཡང་ན་བརྐོས་པ་འམ།། བྱས་པའམ་ཡང་ན་བྲིས་པ་སྟེ།།
79b7 འཛུམ་བཅས་ཟླ་བའི་མདོག་ཅན་ལ།། དམར་ཞིང་སྣ་ཚོགས་འོད་རཔ་རབ།། སངས་རྒྱས་ཀུན་གྱི་དབང་སོགས་དང་།། རྒྱན་དང་ན་བཟའ་སྣ་ཚོགས་པ།། སེམས་དཔའི་སྐྱིལ་ཀྲུང་དག
iiif viewer powered by OpenSeadragon