| e-texts navigator |
| Wylie |
77b1 བཤད། ། དེ་ཉིད་འདོད་ཆགས་བྲལ་བ་ཉིད།། འདོད་དང་གྲོལ་བ་དེ་ཉིད་ནི།། དུས་གསུམ་སྲིད་གསུམ་མཆོག་གསུམ་སྟེ།། འཇིག་རྟེན་གསུམ་མཆོག་ཁམས་གསུམ་པ།། མི་གཡོ
77b2 ཐམས་ཅད་མཆོག་དེ་ཉིད། ། བརྟན་པ་སྲ་བ་ནོར་ཆེན་པོ།། རྒྱུ་བ་སེམས་ཀྱི་འདུས་བྱས་པ།། ཐམས་ཅད་བྱེད་པ་ཐམས་ཅད་ཉིད།། དང་པོའི་སེམས་དཔའ་སེམས་དཔའ་ཆེ།། བྱང
77b3 ཆུབ་སེམས་དཔའ་བདེ་བར་སྩོལ། ། སེམས་དཔའི་སྐྱིལ་ཀྲུང་བཅས་ནས་ནི།། པདྨའི་སྟེང་དུ་བཞུགས་པ་དང་།། བཙུན་མོའི་ཚོགས་བཅས་སྣ་ཚོགས་པ།། རྡོ་རྗེ་ལྷ་མོས་ཡོངས་སུ
77b4 བསྐོར། ། བདེ་བ་ཆེན་པོ་གྲུབ་དོན་དུ།། འདོད་ཆགས་ཆེན་པོ་རྣམ་དག་ཕྱིར།། མ་ལུས་གདུལ་བྱའི་དོན་དུ་ནི།། དངོས་གྲུབ་ཐམས་ཅད་རབ་གྲུབ་ཕྱིར།། དམ་ཚིག་མཆོག་ནི་མ་ལུས་པ།།
77b5 རྒྱལ་བས་ཀྱང་ནི་བསྲུང་བར་བྱ།། བསྙེམས་བཅས་རྡོ་རྗེ་གསོར་བ་དང་།། རྡོ་རྗེ་བསྙེམས་པའི་ཚུལ་འཆང་ཞིང་།། ཕྱག་རྒྱ་ཀུན་མྱུར་གྲུབ་མངོན་དུ།། རྡོ་རྗེ་སེམས་དཔའ་མཆོག་གྲུབ
77b6 ཕྱིར། དངོས་གྲུབ་ཀུན་གྱི་ཐབས་ཆེན་པོ།། བསོད་ནམས་ཀུན་གྱིས་ཆེར་མཐོང་བ།། ཡེ་ཤེས་ཕྱག་རྒྱ་ཡང་དག་ལྡན།། སྙིང་པོ་ཆེན་པོ་དམ་ཡིན་ཏེ།། གང་གིས་བསོད་ནམས་མི་ལྟར
77b7 པ། དེ་བཞིན་དཀྱིལ་འཁོར་མ་ཞུགས་པ།། དོན་ཡོད་ཐོགས་པ་མེད་མཆོག་འགྱུར།། དངོས་གྲུབ་ཐམས་ཅད་རྙེད་དཀའ་མིན།། བདེ་བ་ཆེན་པོ་རྡོ་རྗེ་ཆེ།། གསང་བ་མཆོག་གི་དམ་ཚིག
iiif viewer powered by OpenSeadragon