| e-texts navigator |
| Wylie |
76b1 གཤེགས་པ་ཐམས་ཅད་འདུས་ནས་ལེགས་སོ་ཞེས་བྱ་བ་བྱིན་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། བདེ་བ་ཆེན་པོ་རྡོ་རྗེ་གསང་བ་ཞེས་བྱ་བའི་རྟོག་པའི་རྒྱལ་པོ
76b2 ཞེས་མཆོག་ཏུ་གྲུབ་པ་ཡོངས་སུ་རྫོགས་སོ། ། ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་འདི་ཉིད་སྔར་ཡང་སྟོན་པར་མཛད་ཅིང
76b3 ཞལ་རབ་ཏུ་འཛུམ་པ་དང་། མཆོག་དང་པོའི་རྡོ་རྗེ་བདེ་བ་ཆེན་པོ་རྡོ་རྗེ་བསྙེམས་པས་གསོར་ནས་རང་གི་ཐུགས་ཀར་སྟོད་པའི་ཚུལ་དུ་འཛིན་ཅིང་མཆོག་ཏུ་གསང་ཞིང་མཆོག་ཏུ་གྲུབ་པ་དོན་ཡོད་ཅིང
76b4 ཐོགས་པ་མེད་པ་བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་འདི་རྟོགས་པ་ཐམས་ཅད་ཀྱི་སྡིག་པ་དང་། སྒྲིབ་པ་དང་། བདུད་ཐམས་ཅད་འདུལ་བར་བྱིན་གྱིས་བརླབས་པའི་དབང་གིས་མ
76b5 གྲུབ་པ་རྣམས་ཀྱང་མཆོག་དམ་པར་གྲུབ་པར་བྱེད་པ་དང་། མཆོག་ཏུ་གསང་བ་ཐོག་མ་དང་མཐའ་མ་མེད་པའི་མཚོན་ཆ་མཆོག་དང་པོ་ཞེས་བྱ་བའི་རྟོག་པའི་རྒྱལ་པོ་དབང་ཕྱུག་ཆེན་པོའི་ཆེན་པོ་རྒྱུད
76b6 ཕྱི་མ་གསུངས་པ། དེ་ནས་ཐོག་མའི་གནས་ཉམས་དགའ།། ནམ་མཁའ་ཀུན་ལ་རབ་ཏུ་གནས།། རིན་ཆེན་འོད་འབར་རབ་ཏུ་གསལ།། དྲི་མ་མེད་པའི་མདངས་ཀྱིས་བརྒྱན།། ཟུར
76b7 བཞི་པ་ལ་སྒོ་བཞི་པ། ། སྒོ་ཁྲུད་རྣམས་ཀྱིས་རབ་ཏུ་བརྒྱན།། ཁ་ཁྱེར་གྱིས་ནི་ཡོངས་སུ་བསྐོར།། རྡོ་རྗེ་ལྷ་མོ་ཚོགས་ཀྱིས་མཆོད།། ཟླ་བ་ཕྱེད་ནི་རབ་ཏུ་གནས།། རྡོ་རྗེ་རིན་ཆེན
iiif viewer powered by OpenSeadragon