| e-texts navigator |
| Wylie |
76a1 འདི་ནི་མཐར་ཐུག་པ། ། རབ་ཏུ་སྒྲུབ་ཕྱིར་མཐར་ཐུག་བརྗོད།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་གསན་ནས།
76a2 དེ་བཞིན་གཤེགས་པ་ཐམས་ཅད་ཏིང་ངེ་འཛིན་རྡོ་རྗེ་སེམས་དཔའ་བྱིན་གྱིས་བརླབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། བདེ་བ་ཆེན་པོ་རབ་སྒྲུབ
76a3 དང་། ། ཆགས་པ་ཆེན་པོ་རྣམ་དག་ཕྱིར།། ཐམས་ཅད་དགོངས་གྲུབ་དོན་དུ་ནི།། ཡོངས་སུ་མཐར་ཐུག་བྱིན་བརླབས་པའོ།། གང་གིས་ཚུལ་མཆོག་འདི་ནི་ཉན་འགྱུར་དང་།། གང་གི
76a4 ཁྱིམ་ན་གསང་བ་ཐམས་ཅད་གནས། ། བདེ་ཆེན་མཆོག་གི་རྡོ་རྗེ་མཆོག་གསང་བའོ།། དངོས་གྲུབ་ཚེ་འདིར་དེ་དག་རྣམས་ལ་བརྟན།། བརྟན་པ་ཉིད་ཕྱིར་འདུལ་བར་རང་མི་བྱེད།། སེམས
76a5 ཅན་དོན་དུ་རྒྱལ་བ་ལས་དག་ཕྱིར། ། རྣམ་པར་སྦྱང་བར་མཛད་པ་འདི་ཡིན་ཏེ།། རྟོག་པ་འདི་ནི་བགེགས་མེད་བདུད་རྣམས་མེད།། དངོས་གྲུབ་འཕེལ་མེད་མིན་པར་བྱིན་གྱིས་བརླབས།།
76a6 བདུད་དང་བརྟན་མེད་ཉིད་ནི་བདག་མི་བྱེད།། བརྟན་པ་ཉིད་ཕྱིར་འདུལ་བ་ང་མི་བྱེད།། རྟོག་པ་ཆེན་པོའི་མཆོག་འདི་གང་གྲུབ་པ།། མྱུར་དུ་དངོས་གྲུབ་མཆོག་ཕྱིར་བདག་བརྟན་འགྱུར།།
76a7 བརྟན་ཞིང་རབ་དགྱེས་བརྟན་པས་རྗེས་སུ་ཆགས།། བདེ་བ་ཆེན་པོ་བྱེད་ཅིང་ཤིན་ཏུ་རྒྱས།། ང་ཡི་དང་པོ་སྙིང་པོ་གང་སྒྲུབ་པ།། དེ་ལ་ང་ནི་རྟག་ཏུ་དངོས་གྲུབ་སྟེར།། དེ་ནས་དེ་བཞིན
iiif viewer powered by OpenSeadragon