| e-texts navigator |
| Wylie |
71a1 རྣམས། ། འཁོར་བའི་སྲིད་དུ་འཁོར་བར་བཞུགས།། སེམས་ཅན་དོན་ནི་མངོན་པར་ཞེན།། ཐམས་ཅད་དག་པའི་མཆོག་ཆོས་ཅན།། དེ་བཞིན་གཤེགས་པས་མི
71a2 འདུལ་བས། ། སེམས་ཅན་དོན་མི་མཛད་པ་དེ།། འདིར་ནི་རབ་གྲུབ་དངོས་གྲུབ་མཆོག། དུས་ཀུན་ཏུ་ནི་ཐམས་ཅད་དུ།། རྡོ་རྗེ་འཆང་ཆེན་ལ་སོགས་པ།། འདི་ལྟར་བསོད་ནམས་རྣམ་སྨིན
71a3 གྱིས། ། ཀུན་ལ་མཐོང་བ་ལ་སོགས་ཀྱང་།། རང་གིས་ལས་ཀྱིས་མཛད་མི་སྤྱོད།། དཀྱིལ་འཁོར་ལ་ནི་མ་ཞུགས་ཀྱང་།། སྲིད་པ་འདི་ལ་མྱུར་འགྲུབ་འགྱུར།། ཤིན་ཏུ་མཐོང་བ་ལ་སོགས།
71a4 ཀུན།། སེམས་ཅན་ཐམས་ཅད་རབ་སྩལ་མཛད།། ཀུན་ནས་དུས་ཀུན་ཐམས་ཅད་ལ།། དངོས་གྲུབ་ཐམས་ཅད་རབ་སྩོལ་འགྱུར།། རྒྱལ་པོ་རྡོ་རྗེ་འཆང་ཆེན་པོ།། སྲིད་པའི་དབང་ཕྱུག་ཀུན
71a5 གྱིས་སོ། ། དེ་ཕྱིར་བསྒྲུབ་བྱ་འདི་བཤད་བྱ།། དངོས་གྲུབ་ཤིན་ཏུ་རྟག་པའོ།། གང་གིས་སྲིད་པ་འདི་ཉིད་དུ།། ཤིན་ཏུ་རྟག་པའི་དངོས་གྲུབ་ཐོབ།། ལུགས་མ་འམ་ནི་བརྡུང་མ་འམ།།
71a6 རི་མོ་བྲིས་པ་འམ་འདུས་བྱས་པའི།། ཕྱག་ན་རྡོ་རྗེའི་སྐུ་གཟུགས་ནི།། ཇི་བཞིན་བཤད་པར་རབ་གཞུག་བྱ།། བདེ་བ་ཆེན་པོ་རྡོ་རྗེ་གསང་བའི་དམ་ཚིག་གི་དེ་ཁོ་ན་ཉིད་སྒྲུབ་པའི་དངོས་གྲུབ
71a7 ཀྱི་ཆོ་ག་རྒྱས་པའོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱའི་ཡེ་ཤེས་ཀྱིས་སླར་ཡང་ཕྱག་རྒྱ་ཐམས་ཅད་སྒྲུབ་པའི་དངོས་གྲུབ་ཀྱི་རྒྱུད་འདི་གསུངས་སོ།།
iiif viewer powered by OpenSeadragon