| e-texts navigator |
| Wylie |
70b1 པ་ཆེ། ། འདི་མ་དག་པས་འགྲུབ་མི་འགྱུར།། དེ་ནས་མཆོག་གི་དངོས་གྲུབ་ཤེས་པའི་རྒྱུད་ནི། ཇི་བཞིན་ཡུལ་དང་ལྡན་གྱུར་ནས།། མཆོག་གི་དངོས་གྲུབ་འགྲུབ་པར་བྱ།། རྟོག་པ་ཀུན
70b2 ལས་རྣལ་འབྱོར་འདི། ། ཚེ་འདི་ཉིད་ལ་སྒྲུབ་པར་བྱེད།། བདེ་བ་ཆེན་པོ་རྡོ་རྗེ་གསང་བའི་རྟོགས་པའི་རྒྱལ་པོ་ཆེན་པོའི་རྡོ་རྗེ་རིན་པོ་ཆེ་ཆེན་པོ་ལས། རྟོག་པ་ཐམས་ཅད་ཀྱི་རྒྱུད་ཕྱི་མའི་ཆོ་ག་རྒྱས
70b3 པའོ། ། ། དེ་ནས་བཅོམ་ལྡན་འདས་རྟོག་པ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བ་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་རྡོ་རྗེ་རིན་པོ་ཆེ། དེ་བཞིན
70b4 གཤེགས་པ་ཐམས་ཅད་ཀྱི་ཆོ་ག་གཟིགས་པའི་ཡེ་ཤེས་ཀྱི་དབང་ཕྱུག་གི་རྡོ་རྗེའི་པདྨ། དེ་བཞིན་གཤེགས་པ་ཐམས་ཅད་ཀྱི་སྣ་ཚོགས་པའི་མཛད་པས་འཕྲིན་ལས་དམ་པའི་ཆོ་ག་རྒྱས་པའི་རྡོ་རྗེ
70b5 ཐམས་ཅད་ལ་ཁྱབ་པ། མ་ལུས་ཤིང་ལུས་པ་མེད་པའི་རྡོ་རྗེའི་ཁམས་བརྟན་པའི་དངོས་གྲུབ་ཀྱི་ཆོ་ག་རྒྱས་པ་ནམ་མཁའི་ཁམས་ཀྱི་མཐར་ཐུག་པར་ཆོས་ཀྱི་དབྱིངས་སྤྲོ་བ་ཐམས་ཅད་ཁྱབ
70b6 པའི་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་མངོན་པར་མཁྱེན་པ་མཛད་ནས། དང་པོའི་སྙིང་པོའི་གསང་བའི་དེ་ཁོ་ན་ཉིད་ཀྱི་རྡོ་རྗེའི་སྒྲུབ་པའི་རྒྱུད་འདི་གསུངས་སོ།། ཇི་སྲིད
70b7 འཁོར་བའི་གནས་ལ་ཞུགས། ། དེ་སྲིད་སེམས་ཅན་གདོན་པར་མཛད།། མྱ་ངན་འདས་བཞུགས་གཟི་བརྗིད་ཅན།། སེམས་ཅན་དོན་ནི་ནུས་པ་མིན།། དེ་ཕྱིར་སེམས་དཔའ་དམ་པ
iiif viewer powered by OpenSeadragon