| e-texts navigator |
| Wylie |
68a1 ཆེན་པོ་རྣམ་དག་ཕྱིར། ། གསང་བའི་དེ་ཉིད་གསང་བ་ནི།། བདག་ཅག་རྣམས་ལ་ཀུན་བཤད་གསོལ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་དེ་བཞིན་གཤེགས
68a2 པ་ཐམས་ཅད་ཀྱིས་གསོལ་བ་བཏབ་པའི་ཚིག་གསན་ནས་ཞལ་རབ་ཏུ་བཞད་དེ། བཞད་པ་ཆེན་པོའི་དམ་ཚིག་ཆེན་པོ་ཐམས་ཅད་ཀྱི་དེ་ཁོ་ན་ཉིད་ཀྱི་རྡོ་རྗེ་ཞེས་བྱ་བའི་རྣམ་པར་གནོན་པར་མཛད་ནས་རྟོག
68a3 པ་ཐམས་ཅད་ཀྱི་རྒྱུད་ཕྱི་མ་འདི་གསུངས་སོ། ། དེ་ལ་རྣམ་པར་མི་རྟོག་པ་ཁྱབ་པའི་རྒྱུད་ནི། རྣམ་རྟོག་མེད་པའི་ཏིང་འཛིན་ལས།། སེམས་ཅན་དོན་ནི་ཡོངས་སུ་བརྟག། དེས་ན་བརྟག་པར
68a4 བཤད་བྱ་སྟེ། ། རྟོག་པ་ཡོངས་སུ་དག་ཕྱིར་རོ།། དེ་ལ་བདེ་བ་ཆེན་པོའི་རྡོ་རྗེ་གསང་བའི་དཀྱིལ་འཁོར་གྱི་རྒྱུད་ནི་འདི་ཡིན་ཏེ། ས་ལ་ཡི་གེའི་གནས་བྲིས་ནས།། བདེ་བ་ཆེན་པོ་ཞེས་བརྗོད་པ།།
68a5 དེ་ཡི་དམ་ཚིག་རྡོ་རྗེ་སྟེ།། སྙིང་པོ་ཐམས་ཅད་སྒྲུབ་བྱེད་པའོ།། དེ་ལ་དཀྱིལ་འཁོར་གྱི་བཤད་པའི་རྒྱུད་ནི། ཇི་ལྟར་གནས་དང་ཇི་ལྟར་དུས།། ཇི་ལྟར་འཇིག་རྟེན་ཇི་ལྟ་བུ།། འཁོར་ནི་དགོད་པར
68a6 བྱ་བ་སྟེ། ། དེ་ལྟ་བུ་ཡི་དཀྱིལ་འཁོར་བྲི།། དེ་ནས་དཀྱིལ་འཁོར་ཐམས་ཅད་དུ་ཞུགས་པའི་རྣམ་པར་སྨིན་པའི་རྒྱུད་ནི། རྡོ་རྗེ་སེམས་སོགས་སེམས་དཔའ་ཡི།། འཁོར་བཅས་དེ་ཚེ་དཀྱིལ་འཁོར
68a7 དུ། ཞུགས་པའི་བསོད་ནམས་ཅི་འདྲ་བ།། དེ་ལྟར་བྲིས་པའང་དེ་དང་འདྲ།། དེ་ནས་རིགས་ཐམས་ཅད་ཀྱི་འཁོར་ལོའི་ཁྱད་པར་གྱི་རྒྱུད་ནི། རྡོ་རྗེ་འཁོར་ལོར་བརྟན་པ་བཞིན།། ལྕགས་ཀྱི་འཁོར
iiif viewer powered by OpenSeadragon