| e-texts navigator |
| Wylie |
67b1 ཞེས་ནི་གང་བཤད་པའི། ། ཡེ་ཤེས་རྒྱུད་ནི་ཇི་ལྟར་ཡིན།། དཀྱིལ་འཁོར་ཞེས་ནི་བརྗོད་པ་ཅི།། དེར་འཇུག་ཡོན་ཏན་ཅི་དང་ལྡན།། རིགས་ཀྱི་འཁོར་ལོའི་ཁྱད་པར་དང་།། གཞན་ཡང
67b2 སྒྲུབ་པ་ཇི་ལྟ་བུ། ། རྡོ་རྗེ་སེམས་དཔའ་སེམས་དཔའ་ཉིད།། འདི་ཡང་ཇི་ལྟར་དེ་ཉིད་གང་།། ཐོག་མ་མཐའ་མ་མེད་ཉིད་དང་།། རབ་ཏུ་དགའ་བ་ཇི་ལྟར་འགྱུར།། དང་པོ་སྙིང་པོ་འདི་ཡི
67b3 ཡོན། དེ་བཞིན་ཉིད་ནི་གང་ཞིག་ཡིན།། ཧཱུཾ་གི་གླུ་ནི་གང་གིས་གསུངས།། འདི་ཡི་དོན་ནི་ཇི་ལྟར་བརྗོད།། སེམས་ནི་རྡོ་རྗེ་ཉིད་དང་ནི།། དེ་བཞིན་ཕྱག་རྒྱ་རྡོ་རྗེ་ཉིད།། སངས་རྒྱས་རྣམས
67b4 ནི་འབྱུང་བ་དང་། ། རིགས་རྣམས་ཀྱང་ནི་དེ་བཞིན་དུ།། སངས་རྒྱས་བྱང་ཆུབ་སྒྲུབ་པ་དང་།། སངས་རྒྱས་བདུད་དུ་ཇི་ལྟར་འགྱུར།། རྟོགས་པ་རྣམས་ཀྱང་སྒྲུབ་པ་དང་།། དང་པོའི་སྙིང
67b5 པོའི་དེ་ཉིད་དང་། ། སྙིང་པོ་ཕྱག་རྒྱ་སྔགས་རིག་པའི།། སྒྲུབ་པ་དེ་བཞིན་དངོས་གྲུབ་རྣམས།། བསོད་ནམས་མེད་པས་ཇི་ལྟར་འགྲུབ།། སློབ་དཔོན་ཉིད་དུ་ཇི་ལྟར་གྲུབ།། མེ་ཏོག་སྤོས
67b6 དང་མར་མེ་དང་། ། དྲི་རྣམས་ཅི་ཡིན་ཇི་ལྟར་འགྱུར།། མཆོད་པ་ཡང་ནི་ཇི་ལྟར་བྱ།། གསང་བའི་མཆོད་པ་ཇི་ལྟར་ཡིན།། ཀུན་བྱེད་ཀུན་ཟ་སྡིག་པ་ཅན།། ཤིན་ཏུ་སྡིག་ཅན་ཇི་ལྟར་གྲུབ།།
67b7 དོན་ཡོད་ཐོགས་མེད་དངོས་གྲུབ་ཀྱིས།། དེ་རྣམས་ཇི་ལྟར་འགྲུབ་པར་འགྱུར།། གསང་བ་དེ་ཡང་གང་ཞིག་ཡིན།། འདི་ཉིད་དུ་ནི་གང་གིས་གྲུབ།། བདེ་བ་ཆེན་པོ་རབ་གྲུབ་དང་།། ཆགས་པ
iiif viewer powered by OpenSeadragon