| e-texts navigator |
| Wylie |
63a1 གཉིས་ཀྱི་ཁ་སྦྱར་ན། ། དམ་ཚིག་ཆེན་པོ་རྡོ་རྗེ་མཆོག། ཁུ་ཚུར་དངོས་གྲུབ་མཆོག་ཀུན་སྩོལ།། རྡོ་རྗེ་ཁུ་ཚུར་རབ་ཏུ་བརྟགས།། དེ་ནས་དེ་བཞིན་གཤེགས་པའི་རིགས
63a2 ཀྱི་ཕྱག་རྒྱའི་རྒྱུད་ཆོ་ག་རྒྱས་པ་ནི་ཕྱག་རྒྱ་ཆེན་པོ་རྣམས་ཀྱི་ནི། ཏ་ཐཱ་ག་ཏོ་ཧཱུཾ་ཞེས་བྱ་བས་བཅིང་བར་བྱའོ།། དམ་ཚིག་ཆོ་ག་མཆོག་ནི་མཐེ་བོང་མཐེའུ་ཆུང་མཉམ་པའོ།། རྡོ་རྗེ་སྣ་ཚོགས་རྡོ་རྗེའོ།།
63a3 མདའ་ལ་སོགས་པའི་དེ་བཞིན་ནོ།། ལས་ཀྱི་ཕྱག་རྒྱ་རྣམས་ནི་དེ་ཉིད་དོ།། དེ་བཞིན་གཤེགས་པའི་ཁུ་ཚུར་གྱིས་དེ་བཞིན་དུ་བཅིང་བའོ།། ལྕགས་ཀྱུ་མ་བཞིན་ནོ།། ཁུ་ཚུར་གྱི་ཁྱད་པར
63a4 རྡོ་རྗེ་བསྡམས་པའི་ཁུ་ཚུར་མཐེ་བོང་གཉིས་ལ་གནས་པ་དམ་ཚིག་གི་ཁུ་ཚུར་ཏེ། དེ་གཉིས་སུ་བྱས་པ་དེ་བཞིན་གཤེགས་པའི་ཁུ་ཚུར་རོ།། དེ་བཞིན་གཤེགས་པའི་ཁུ་ཚུར་གཉིས་དང་དཀྱིལ
63a5 འཁོར་ལྔས་ཕྱག་འཚལ་ཞིང་འཇུག་པར་བྱའོ། ། འདི་དག་ཀྱང་དངོས་གྲུབ་ཐམས་ཅད་སྩོལ་བའོ།། དེ་ནས་ལས་ཀྱི་ཕྱག་རྒྱ་བཅིང་བ་ནི་རྡོ་རྗེ་སྐུ་མཆོག་གི་སྤྱི་གཙུག་དང་། མཛོད་སྤུ་དང་།
63a6 སྙིང་ཁར་བཞག་སྟེ་བསྐོར་ཞིང་བསྐོར་བས་ཁུ་ཚུར་ཆོས་དང་གཙུག་ཏོར་དུ་གཟུང་བར་བྱའོ།། དེ་བཞིན་གཤེགས་པའི་ཁུ་ཚུར་གཉིས་ཀྱི་མཛུབ་མོ་གཉིས་ཀྱིས་སྡིགས་མཛུབ་བྱ་བ་དང་སྦྱིན་པའི
63a7 ཚུལ་བྱའོ། ། གཡོན་པ་སྙིང་ཁར་བཟུང་སྟེ་གཡས་པའི་མཛུབ་མོ་གཅིག་གིས་ས་ལ་རེག་པའོ།། གཡོན་པའི་ཁྲོ་བོ་མཛུབ་མོ་གཡས་པའི་ཁུ་ཚུར་གྱི་ནང་དུ་མངོན་པར་ཕྱོགས་པས། དེ་བཞིན
iiif viewer powered by OpenSeadragon