| e-texts navigator |
| Wylie |
62a1 སྟག་བསྟན་པའོ། ། མཛུབ་མོ་རླུང་བསྐྱེད་པའོ།། རབ་ཏུ་དགའ་བའི་རྡོ་རྗེས་མཛུབ་མོ་མེ་ལོང་དང་། རོལ་པ་དང་། ནམ་མཁའ་རྡོ་རྗེ་ལྟ་བ་དང་། སྟེང་དུ་བསྐོར་བར་བྱའོ།།
62a2 རྡོ་རྗེའི་མངས་ཤིང་དྲུང་ཐམས་ཅད་དང་། ནགས་དང་། སྐྱེད་མོས་ཚལ་དང་། འབྲུ་ཐམས་ཅད་ལ་གཞག་པར་བྱའོ།། རྣོན་པོས་ཀློག་པར་བྱའོ།། བདག་ཉིད་ཀྱིས་ཐམས་ཅད་ལ་དྲང་བར
62a3 བྱའོ། ། ཕྱི་རོལ་གྱི་དཔུང་མདུན་དུ་བསྐོར་བར་བྱའོ།། རྡོ་རྗེ་ཁུ་ཚུར་གཉིས་ཀྱིས་གློག་འགྱུར་བས་བསྐོར་བར་བྱའོ།། གློག་འགྲུ་བས་ནམ་མཁའ་ལ་བསྐོར་བར་བྱའོ།། གཡས་པས་གཡོན་པ
62a4 ལ་བརྡེག་པར་བྱའོ། ། རྡོ་རྗེ་ཁུ་ཚུར་གཉིས་གཡོ་ཞིང་གཡོ་བ་མེད་ལ་གཞག་པར་བྱའོ།། མཛུབ་མོ་མཉམ་པའི་དཀྱིལ་འཁོར་ནི་ནོར་བུའོ།། མཛུབ་མོའི་རྡོ་རྗེ་གཡོན་པའི་མཐེ་བོང་གི་པུ་གར
62a5 གཡས་པའི་མཛུབ་མོ་གཞུག་པར་བྱའོ། ། རབ་ཏུ་དགའ་བའི་རྡོ་རྗེས་སྟེང་དུ་ནམ་མཁའ་ལ་བཀའ་བ་སྐྱོད་པ་དང་། སྐྱེ་གནས་གཡོ་བ་དང་། དབུས་མའི་རྡོ་རྗེ་བསྐྱོད་ཅིང་བཙོར་བའོ།། རྡོ་རྗེ་ཡིད
62a6 ལས་བྱུང་བ་དང་། རྡོ་རྗེ་ཀི་ལི་ཀི་ལི་དང་། རྡོ་རྗེ་ཆུ་སྲིན་དང་། རྡོ་རྗེ་བསྙེམས་མ་ནི་བཤད་པའོ།། རྡོ་རྗེ་བསྡམས་པའི་མཛུབ་མོས་གསོལ་བ་འདེབས་པར་བྱེད་པས་མཛུབ་མོ་གཉིས
62a7 ཀྱིས་རང་གི་མིག་བཀག་ལ་ཡིད་ཀྱིས་ཇི་ལྟར་མངོན་པར་འདོད་པ་བསྒོམ་པར་བྱའོ། ། སྦྱིན་སྲེག་བྱེད་པའོ།། མཛུབ་མོས་རང་མིག་བཙུམ་པར་བྱའོ།། སོས་གཟུང་བར་བྱའོ།། བཏུང
iiif viewer powered by OpenSeadragon