| e-texts navigator |
| Wylie |
58a1 རྩེ། ། མིག་འབྲས་ལྷར་སྦྱར་འཛིན་པའོ།། དབུས་མའི་རྡོ་རྗེའི་འོག་ཏུ་ནི།། མཐེ་བོང་གིས་མནན་བཙིར་བར་བྱའོ།། རྡོ་རྗེ་འདྲེན་མ་དང་འདྲེན་པ།། སྲིན་ལག་མཐེ་ཆུང་ཁ
58a2 ཕྱེ་བ། བསྐོར་ནས་པུས་མོར་གཞག་པ་ནི།། དང་པོ་རྡོ་རྗེ་ལས་བྱུང་བའོ།། གྱེན་དུ་གཏོར་དང་ཤུར་དུ་བླུགས།། མཐེ་བོང་སྦྱར་ནས་བསྐོར་བ་དང་།། རབ་ཏུ་བརྐྱང་ཞིང་བླུགས་པ་དང་།། བསྐོར་ཞིང
58a3 སྤྱི་བོར་གནས་པ་དང་། ། བསྐོར་ནས་སྙིང་ཁར་གཞག་པ་དང་།། ཡོངས་སུ་བསྐོར་ཞིང་དགོད་པའོ།། ཁ་ལས་གྱེན་དུ་འབྱུང་བ་དང་།། དེ་བཞིན་གར་གྱིས་བསྐོར་བ་དང་།། མཛུབ་མོའི་སོར་མོ
58a4 གཉིས་ཀྱི་དང་། ། གཡོན་པའི་མཛུབ་མོ་གཡས་ཀྱིས་གཟུང་།། མཛུབ་མོའི་མཐེ་བོང་བཅིང་བ་དང་།། མཐེ་བོང་མཐའ་མའི་ནང་དུ་གཞག། ཁུ་ཚུར་གྱི་ཕྱག་རྒྱ་རྣམས་སོ།། དེ་ནས་དོན་ཡོད་ཅིང
58a5 ཐོགས་པ་མེད་པ་འདི་རྣམས་ཁོ་ནའི་ལས་ཀྱི་ཕྱག་རྒྱ་བཅིང་བ་མཆོག་ཏུ་གསང་བ་བླ་ན་མེད་ཅིང་བླ་མའི་ལས་ཀྱི་ཚོགས་སྒྲུབ་པར་བྱེད་པ། དེ་བཞིན་གཤེགས་པ་ཐམས་ཅད་དང་བཅས་པའི་བདག་གིས
58a6 ཀྱང་གནོན་པར་མི་ནུས་སོ། ། དེ་ལ་བདེ་བ་ཆེན་པོའི་རྡོ་རྗེ་དབུས་མའི་ལས་རྡོ་རྗེ་སེན་མོའི་རྩེ་མོ་མཆུ་ལ་སོགས་པར་གཞག་པ་དང་། འཁོར་ལོ་རབ་ཏུ་བསྐོར་བ་དང་། རྡོ་རྗེ་ནོར་བུ་དང་ཇི་ལྟར་འདོད་པའི
58a7 དངོས་གྲུབ་ཀུན་ཏུ་བྱེད་པ་རྣམས་ཀྱིས་རྡོ་རྗེ་འཆང་ཆེན་པོ་དང་། སངས་རྒྱས་དང་། བྱང་ཆུབ་སེམས་དཔའ་རྣམས་དང་། རྡོ་རྗེ་རིན་པོ་ཆེ་དང་། མཆོག་གི་དངོས་གྲུབ་བོ།། རྡོ་རྗེ་འདྲེན་མས་ནི་མིག
iiif viewer powered by OpenSeadragon