| e-texts navigator |
| Wylie |
55b1 པོ། ། ཕྲ་རབ་རྡུལ་རྣམས་དང་མཉམ་པ།། སྙིང་པོ་ཆེན་པོ་འདི་ཉིད་ཀྱིས།། གྲུབ་པའི་བདེན་པ་དམ་པར་འགྱུར།། དེ་ནས་བདེ་གཤེགས་དེ་རྣམས་ནི།། དེ་ཡི་ཚིག་མཆོག་གསན་གྱུར་ནས།། དང་པོའི་དཀྱིལ
55b2 འཁོར་གྲུབ་སྩོལ་བ། ། དེ་ཚེ་དེ་ལ་གསོལ་བ་བཏབ།། ཆགས་པ་དང་བྲལ་འདུལ་བའི་ཕྱིར།། ཆགས་བྲལ་བསྟན་པར་བྱ་བ་འམ།། འདོད་ཆགས་ཐམས་ཅད་རྣམ་དག་ཕྱིར།། ཉིད་ཀྱི་ཐུགས་ཀྱིས་ཆོ་ག་གསུངས།།
55b3 དེ་ནས་བཅོམ་ལྡན་འདས་ཀྱིས་རྡོ་རྗེའི་གླུ་ཆེན་པོ་གསུང་ཞིང་དཀྱིལ་འཁོར་བརྟག་པར་མཛད་དོ།། ཐམས་ཅད་རྗེས་སུ་ཆགས་པ་བདེ་བ་དམ་པའི་ཐུགས།། རྡོ་རྗེ་སེམས་དཔའ་ཁྱོད་ནི་རབ་ཏུ་བྱུང་བ་ཡིན།། རབ་ཏུ
55b4 དགའ་བ་འགྲོ་བ་ཀུན་གྱི་བདེ་ཆེན་པོ། ། བརྟན་མཐོ་དེ་རིང་བདག་ལ་མྱུར་འགྲུབ་མངོན་ཕྱོགས་མཛོད།། ཅེས་བྱ་བའི་དཀྱིལ་འཁོར་གླུ་ལེན་ཅིང་བརྟགས་པར་མཛད་དོ།། དཀྱིལ་འཁོར་ཆེན་པོའི་སྦྱོར་བ་ཡིས།
55b5 དང་པོའི་དཀྱིལ་འཁོར་བརྟག་པར་བྱ།། ཕྱག་ན་རྡོ་རྗེ་ཐམས་ཅད་དུ།། རྡོ་རྗེ་ལྷ་མོ་ལ་སོགས་ཚོགས།། ཇི་ལྟར་ཆོ་ག་བཞིན་དུ་ནི།། བརྒྱན་པར་བྱས་ཏེ་རབ་འཇུག་བྱ།། གཡོན་དུ་བུ་མོ་རྡོ་རྗེ་འཛིན།། བསྡུས་ཏེ
55b6 རྣལ་འབྱོར་བཅའ་བར་བྱ། ། རྡོ་རྗེ་དང་བཅས་བསྙེམས་པ་ཡི།། ཕྱག་རྒྱ་མཆོག་གིས་རང་ཉིད་འཇུག། དཀྱིལ་འཁོར་དེ་རུ་ཞུགས་ནས་ཀྱང་།། ལན་གསུམ་དུ་ནི་བསྐོར་བར་བྱ།། རྡོ་རྗེ་སེམས་དཔའི་མདུན་འདུག
55b7 ། དེ་ཉིད་གསང་བའང་བརྗོད་པར་བྱ།། ཧཱུཾ་ཧཱུཾ་མ་ཧཱ་སུ་ཁ་བཛྲ་སཏྭ་ཛ། ཧཱུཾ་བཾ་ཧོ། ས་མ་ཡ་སྟྭཾ་ཨ་ནུ་རཀྟེ་མེ་བྷ་བ་སུ་ཏོ་ཥྱོ་མེ་བྷ་བ། དྲྀ་ཌྷོ་མེ་བྷ་བ། ཨ་དྷི་ཏིཥྛ་བྷ་ག་བཱཾ། ཨ་ན་དི་ནི་དྷེ་ན་སྭཱ་ཧཱ། མ་ཧཱ
iiif viewer powered by OpenSeadragon