| e-texts navigator |
| Wylie |
54a1 འཆང་བ་ཀུན་གྱི་གནས། ། བདེ་བ་ཆེན་པོ་རྡོ་རྗེ་ཆེ།། ནོར་བུ་ཆེན་པོ་མཆོག་ཅེས་བྱ།། རྡོ་རྗེ་ཆེན་པོའི་ཁང་པ་ན།། བདེ་བ་ཆེན་པོ་བཞུགས་གནས་ཡིན།། ཐོག་མཐའ་མེད
54a2 པའི་སེམས་དཔའ་ནི། ། རྡོ་རྗེ་སེམས་དཔའ་དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་ཚུལ་བདག་པོའི་བདག། སེམས་ཅན་ཀུན་གྱི་སེམས་གང་ཡིན།། བརྟན་ཕྱིར
54a3 སེམས་དཔར་བཤད་པ་ཡིན། ། མཉམ་པར་བཞག་པས་ཏིང་འཛིན་ཏེ།། ངེས་པའི་ཕྱིར་ནི་རྡོ་རྗེར་འགྱུར།། སེམས་དཔའ་བྱིན་རླབས་སྦྱོར་བ་ཡིས།། སླར་ཡང་རྡོ་རྗེར་སེམས་དཔར་འགྱུར།།
54a4 དེ་ཉིད་རྟག་པ་བཅོམ་ལྡན་འདས།། བྱང་ཆུབ་སྤྱོད་པའི་རྗེས་འགྲོ་ཡིན།། རང་སེམས་སོ་སོར་རྟོགས་སོགས་ན།། སངས་རྒྱས་བྱང་ཆུབ་ཆོ་ག་བཞིན།། བདུད་ནི་སངས་རྒྱས་རྡོ་རྗེ་ཅན།། རྡོ་རྗེ
54a5 འཆང་ཆེན་དེ་ཉིད་ཡིན། ། དེ་ཉིད་དེ་བཞིན་གཤེགས་པའི་རིགས།། དེ་ཉིད་རྡོ་རྗེ་རིགས་ཆེན་པོ།། དེ་ཉིད་པདྨའི་རིགས་དག་པ།། དེ་ཉིད་ནོར་བུའི་རིགས་དམ་པ།། དེ་ཉིད་འདོད་ཆགས་བྲལ
54a6 བ་ཡིས། ། འདོད་དང་ཐར་པ་ཉིད་ཡིན་ཏེ།། དུས་སུ་སྲིད་གསུམ་མཆོག་གསུམ་དང་།། འཇིག་རྟེན་གསུམ་དང་ཁམས་གསུམ་པ།། མི་གཡོ་ཐམས་ཅད་མཆོག་དེ་ཉིད།། བརྟན་ཞིང་སྙིང
54a7 པོ་ནོར་བུ་ཆེ། ། རྒྱུ་བ་སེམས་ཀྱི་འདུ་བྱེད་ཐབས།། ཐམས་ཅད་བྱེད་པ་ཐམས་ཅད་ཉིད།། དང་པོའི་སེམས་དཔའ་སེམས་དཔའ་ཆེ།། བྱང་ཆུབ་སེམས་དཔའ་བདེ་རབ་སྩོལ།། སེམས་དཔའ
iiif viewer powered by OpenSeadragon