| e-texts navigator |
| Wylie |
52a1 མཚན་མའི་ཕྱག་རྒྱ་ཡིས། ། པུས་མོ་ལྷུང་བཙུགས་བྱས་ཏེ།། ཞུགས་ནས་དམ་ཚིག་བཅིངས་ནས་ནི།། ཡང་དག་དགུག་པ་ཉིད་དུ་བྱས།། ཨོཾ་བྷཱ་ར་བྷཱ་བ་སྭཱཧཱ།
52a2 གཅིག་བཟླས་པ་ཡིས།། ཐམས་ཅད་ཀུན་གྱིས་ཡོངས་བསྐོར་བ།། དངོས་གྲུབ་ཀུན་སྟོན་འོངས་པ་ལ།། ཇི་ལྟར་རྙེད་པའི་གཏོར་མ་སྦྱིན།། སློབ་དཔོན་གྱི་ནི་འཇུག་པ་ཡིས།། སློབ་མ་ཐམས
52a3 ཅད་གཞུག་པར་བྱ། ། དམ་ཚིག་མཆོག་ནི་དེ་ཉིད་དང་།། གསང་བའི་དེ་ཉིད་བརྗོད་པར་བྱ།། གལ་ཏེ་མ་བརྟགས་མ་སྨྲས་དང་།། འོན་ཏེ་འདི་སྐད་བཤད་པའི་ཆོས།། འདིར་ནི་ཀུན་ཏུ་མ་སྤྱད་ན།
52a4 རྩེ་གསུམ་གྱིས་ནི་ཁྱོད་སྙིང་འཇོམས།། སྙིང་སྟོབས་རྡུལ་དང་མུན་པ་ནི།། ཚངས་པ་ཁྱབ་འཇུག་དབང་ཕྱུག་ཆེ།། མིང་པོ་གསུམ་པོ་འདི་དག་སྟེ།། ནམ་ཡང་བརྙས་པར་མི་བྱའོ།། གང་ཞིག
52a5 འདི་དག་ལ་བརྙས་པས། ། ཡང་དང་ཡང་དུ་རབ་བཞུགས་ནས།། དཀྱིལ་འཁོར་མཆོད་པ་བྱེད་པ་དེ།། དངོས་གྲུབ་ཐམས་ཅད་ཐོབ་པ་ནི།། ཕྱག་རྒྱ་དག་ཀྱང་བསྟན་བྱས་ནས།། དེ་ཡིས་གར་གྱི
52a6 མཆོད་པ་བྱ། ། འདོད་པའི་ཡོན་ཏན་ལྔ་པོ་ཡིས།། རྟག་ཏུ་དཀྱིལ་འཁོར་མཆོད་པར་བྱ།། དེ་ནས་གསང་བའི་ལྷ་མོ་རྣམས་ཀྱིས་རང་གི་ཕྱག་རྒྱ་ཕུལ་ལོ།། ཧྲཱིཿཧཱུཾ་ཤྲཱི་བྷྱོ། དཀྱིལ་འཁོར
52a7 ཐམས་ཅད་བྱ་བ་ནི། ། གྲུ་བཞི་པ་ལ་སྒོ་བཞི་པ།། ཐིག་བཞི་དང་ནི་ཡང་དག་ལྡན།། ཀ་བ་ཆེན་པོ་བཞི་དང་བཅས།། གྲུ་ཆད་བཞི་ཡིས་རྣམ་པར་མཛེས།། དེ་ཡི་དབུས་སུ་དེ་བཞིན་དུ།། དཀྱིལ
iiif viewer powered by OpenSeadragon