| e-texts navigator |
| Wylie |
50a1 དམར་པོས་སོ། ། བཅོམ་ལྡན་འདས་ཀྱི་མཆོག་ཐོབ་པར་བྱ་བ་ལ་ནི་རྡོ་རྗེ་གསང་བའི་པདྨ་རྨོངས་པ་མེད་པས་སོ།། བདེ་བ་ཆེན་པོ་པདྨ་གསང་བ་ལས། བདེ་བ་ཆེན་པོ་པདྨའི་རིགས
50a2 ཀྱི་ཆོ་ག་རྒྱས་པའོ། ། ། དེ་ནས་བཅོམ་ལྡན་འདས་ཁམས་གསུམ་པ་ཐམས་ཅད་ཀྱི་བདག་པོ་དབང་ཕྱུག་དེ་བཞིན་གཤེགས་པས་བསམ་པ་ཐམས་ཅད་ཡོངས་སུ་རྫོགས་པའི་རིན་པོ་ཆེའི
50a3 དབང་བསྐུར་བའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རྡོ་རྗེ་སེམས་དཔའ་ལ་གསོལ་བ་བཏབ་བོ།། བདེ་བ་ཆེན་པོ་རབ་གྲུབ་དང་།། ཆགས་པ་ཆེན་པོ་རྣམ་དག་ཕྱིར།། ནོར
50a4 བུ་ཆེན་པོའི་རིགས་མཆོག་ནི། ། མགྲིན་སྦྱོར་ཕྱིར་ནི་བསྐྱེད་པར་མཛོད།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་དམ་ཚིག་རབ་ཏུ་བཞག་པ་ཞེས་བྱ་བའི་རྣམ་པར
50a5 གནོན་པར་མཛད་ནས། བདེ་བ་ཆེན་པོའི་རྡོ་རྗེ་རིན་པོ་ཆེ་ཞེས་བྱ་བའི་རིག་སྔགས་འདི་གསུངས་སོ།། ཨོཾ་ལི་ཏི་དྷ་བྷཛྙཱཊ་ཏེ་ཏྲཾ། དེ་ནས་འདི་གསུངས་པ་ཙམ་གྱིས་བཅོམ་ལྡན་འདས་དབང་བསྐུར་བའི
50a6 བདེ་བ་ཆེན་པོའི་རྡོ་རྗེ་ལས་ནོར་བུ་རིན་པོ་ཆེ་རབ་ཏུ་ཕྱུང་ནས་ཕྱག་གཡོན་པ་ལ་རབ་ཏུ་གནས་སོ། ། ནོར་བུ་རིན་པོ་ཆེ་དག་པ་དེའང་མར་གང་རྙོག་པ་མེད་པའི་མདོག་ཅན་རྡོ་རྗེ་རིན་པོ་ཆེ་རང་གི་འོད་ཟེར་གྱིས་དབང
50a7 བསྐུར་བ་ཅན། ནོར་བུ་རིན་པོ་ཆེའི་མདའ་ལ་སོགས་པའི་མཚན་མ་ཡོངས་སུ་བསྡམས་པ། བཅོམ་ལྡན་འདས་ཀྱི་དཀྱིལ་འཁོར་ཆེན་པོའི་ཚུལ་གྱིས་ཞུགས་སོ།། དེ་ནས་དཀྱིལ་འཁོར་བྲི་བ་ནི།། དཀྱི
iiif viewer powered by OpenSeadragon