| e-texts navigator |
| Wylie |
48b1 བྲི། རབ་ཏུ་དགའ་བའི་རྡོ་རྗེ་ཁྲོ་བོའི་ཕྱག་རྒྱ་ཆེན་པོས་དང་པོར་སློབ་དཔོན་གྱིས་འཇུག་པར་བྱ་སྟེ། སློབ་མ་རྣམས་ཀྱང་དེ་བཞིན་ནོ།། སློབ་དཔོན་ཞུགས་ནས་ཁྲོས་པས་ལྕགས་ཀྱུ་དེ་ཉིད་ཀྱིས་དགུག
48b2 པར་བྱའོ། ། ཧཱུཾ་སུ་ར་ཏ་བཛྲ་ཀྲོཎྜ། ཨ་ཡ་ཏེ། མ་ཧཱ་སུ་ཁ་བཛྲ་སཏྭ་ཛ། སརྦ་བཛྲ་ཀུ་ལ་ནེ་ཏྲ་པྲ་བེ་ཤ་ཡ་ཧཱུཾ། སརྦྦ་མུ་དྲཱ་ག་ཎ་བནྡྷ་ཡ་བཾ། སརྦ་མ་ཡཾ་བི་ཤཱ་ཀུ་རུ་ཧོ། སརྦ་ཀརྨ་ཎེ་ཏྲ་སཏྭཱ་ཡ་ཨ། དེ་ནས
48b3 རྡོ་རྗེའི་རིགས་ཐམས་ཅད་བཅོམ་ལྡན་འདས་དང་བཅས་པ་བྱོན་ཞིང་གྲུབ་པ་ཡིན་ནོ། ། སློབ་དཔོན་དང་སློབ་མ་རྣམས་ལ་དགྱེས་པ་དང་། ཁྲོ་བོ་འབབ་པའི་མཚན་ཡང་དག་པར་འབྱུང་བར་འགྱུར་རོ།།
48b4 གཞན་ཡང་ཅུང་ཟད་འབྱུང་བ་ཡིན་ན་དེ་གྲུབ་པ་དང་། དངོས་གྲུབ་དང་། ཆོ་ག་རྒྱས་པའང་དེ་བཞིན་དུའོ།། གལ་ཏེ་མ་གྲུབ་ན་ལན་ཅིག་བཟླའོ།། ཁམས་གསུམ་པ་མ་ལུས་པ་ལས་རྒྱལ་བར་བྱ་བ
48b5 ལ་ནི་རྡོ་རྗེ་ཧཱུཾ་མཛད་ཀྱི་ཕྱག་རྒྱས་སོ། ། སེམས་ཅན་གྱི་ཁམས་ཐམས་ཅད་འདུལ་བ་ལ་ནི་རྡོ་རྗེ་ཁྲོ་བོའི་གསང་བས་སོ།། འཇིག་རྟེན་གསུམ་ལས་རྣམ་པར་རྒྱལ་བ་ལ་ནི་འཇིག་རྟེན་གསུམ་ལས
48b6 རྣམ་པར་རྒྱལ་བའི་ཕྱག་རྒྱས་སོ། ། ཐམས་ཅད་དགུག་པ་དང་། གཞུག་པ་དང་། དབབ་པ་དང་། བཅིང་བ་དང་། དབང་དུ་བྱ་བ་དང་། གཞིག་པ་དང་། རེངས་པ་དང་། གཉིད་ལོག་པར་བྱ
48b7 བ་དང་། རྒྱས་གདབ་པ་དང་། བསྒྱེལ་བ་དང་། གསད་པར་བྱ་བ་ལ་ནི་བིདེ་བ་ཆེན་པོ་རྡོ་རྗེ་ཁྲོ་བོས་སོ།། ཐམས་ཅད་ལྷུང་བར་བྱ་བ་ལ་ནི་རྡོ་རྗེ་ཁྲོ་མར་ཐབས་སོ།། ཐམས་ཅད་དབབ་པ་ལ་ནི་རྡོ་རྗེ་འབེབས་པའི
iiif viewer powered by OpenSeadragon