| e-texts navigator |
| Wylie |
44a1 སོ། ། གདུག་པ་ཐམས་ཅད་ཀྱི་ཕྱག་རྒྱ་གཞིག་པ་ལ་ནི་རྡོ་རྗེ་གསང་བའི་རྡོ་རྗེས་སོ།། རིམས་ཐམས་ཅད་ཞི་བ་ལ་ནི་རྡོ་རྗེ་གསང་བའི་འབར་བའི་ལྟ་བས་སོ།། དུག་ཐམས་ཅད
44a2 གཞིག་པ་དང་། བཟའ་བ་དང་། འབབ་པ་དང་། འཆི་བ་གསོ་བ་ལ་ནི་གསང་བ་ཆེན་པོ་རྡོ་རྗེ་ནོར་བུའི་ཕྱག་རྒྱས་སོ།། དུག་ཐམས་ཅད་དང་། སྦྱར་བའི་དུག་ཐམས་ཅད་རབ་ཏུ་ཞི་བར་བྱ་བ་ལ་ནི་རྡོ་རྗེ
44a3 གསང་བའི་དུག་མེད་པས་སོ། ། གཤེད་བྱེད་ཐམས་ཅད་དང་། བྱད་དང་། རོ་ལངས་དང་། བྱུར་དང་། གནོད་སྦྱིན་མོ་རྣམས་ཀྱི་གཞིག་པ་ལ་ནི་རྡོ་རྗེ་གསང་བའི་སྦྱིན་སྲེག་གིས་སོ།། རྩོད་པ་ཐམས
44a4 ཅད་དང་། འཐབ་པ་དང་། འཐབ་མོ་དང་། རྩོད་པ་གཞིག་པ་ལ་ནི་རྡོ་རྗེ་གསང་བའི་ཞལ་རབ་ཏུ་གདངས་པས་སོ།། ཡམས་དང་། འཚེ་བ་ཐམས་ཅད་དང་། སྡིག་པ་དང་། རྨི་ལམ་ངན་པ་གཞིག་པ་ལ
44a5 ནི་རྡོ་རྗེ་གསང་བའི་ཞི་བས་སོ། ། གཞན་གྱི་དཔུང་ཐམས་ཅད་རེངས་པར་བྱ་བ་དང་། གཉིད་ལོག་པར་བྱ་བ་དང་། རྨོངས་པར་བྱ་བ་དང་། ལྐུགས་པར་བྱ་བ་དང་། རྒྱས་གདབ་པ་དང་། བསད་པ་ལ་ནི་བདེ
44a6 བ་ཆེན་པོ་རྡོ་རྗེ་གསང་བའི་གཤེད་བྱེད་ཀྱིས་སོ། ། འཐབ་མོ་ཐམས་ཅད་ལས་རྒྱལ་བ་ཐོབ་པ་ལ་ནི་རྡོ་རྗེ་གསང་བའི་རྒྱལ་མཚན་གྱི་དཔུང་རྒྱན་གྱིས་སོ།། གདུག་པ་ཐམས་ཅད་གཞིག་པ་ལ་ནི་རྡོ་རྗེ་གསང་བའི
44a7 རྡོ་རྗེ་ལེགས་པས་སོ། ། བགེགས་ཐམས་ཅད་ཞི་བར་བྱ་བ་ལ་ནི་རྡོ་རྗེ་གསང་བའི་ཐབས་སྦྱོར་གྱིས་སོ།། དགྲ་བོ་ཐམས་ཅད་རྣམ་པར་གཞིག་པ་ལ་ནི་རྡོ་རྗེ་གསང་བའི་རྣམ་པར་འཐོར་བས་སོ།།
iiif viewer powered by OpenSeadragon