| e-texts navigator |
| Wylie |
43b1 སྲིད་ཐོབ་པ་ལ་ནི་རྡོ་རྗེ་གསང་བའི་རྒྱལ་པོའི་ཕྱག་རྒྱས་སོ། ། ས་མ་ལུས་པ་ཐོབ་པ་ལ་ནི་རྡོ་རྗེ་གསང་བའི་རྩལ་གྱིས་སོ།། ཐམས་ཅད་དབབ་པ་དང་། གཡོ་བར་བྱས་པ་དང་། གར་བྱེད་དུ་གཞུགས་པ་དང་།
43b2 དུས་གསུམ་བདེན་པ་ཉིད་དུ་སྨྲར་གཞུག་པ་ལ་ནི་བདེ་བ་ཆེན་པོ་རྡོ་རྗེ་གསང་བའི་དམ་ཚིག་གི་དོན་དུ་གཞུག་པས་སོ།། པྲ་སེ་ན་ཐམས་ཅད་གྲུབ་པ་ལ་ནི་རྡོ་རྗེ་གསང་བའི་པྲ་སེ་ན་དབབ་པས་སོ།། གདོན་ཐམས
43b3 ཅད་ལས་ཐར་པ་ལ་ནི་རྡོ་རྗེ་གསང་བའི་རེངས་པས་སོ། ། ཐམས་ཅད་གཉིད་ལོག་པར་བྱ་བ་ལ་ནི་རྡོ་རྗེ་གསང་བའི་གཉིད་ཀྱིས་སོ།། ཐམས་ཅད་རྒྱས་གདབ་པ་ལ་ནི་བདེ་བ་ཆེན་པོ་རྡོ་རྗེ་གསང་བའི་དམ་ཚིག
43b4 གི་མཁའ་འགྲོ་མས་སོ། ། ཐམས་ཅད་དུ་གསང་བ་ལ་ནི་རྡོ་རྗེ་གསང་བ་མཐར་བྱེད་ཀྱིས་སོ།། ཐམས་ཅད་བསྒྱེལ་བ་ལ་ནི་རྡོ་རྗེ་གསང་བའི་ཧཱུཾ་མཛད་ཀྱིས་སོ།། ཐམས་ཅད་བསླང་བ་ལ་ནི་རྡོ་རྗེ་གསང་བའི
43b5 དམ་ཚིག་གིས་བསླང་བའོ། ། ཐམས་ཅད་བཅིང་བ་ལ་ནི་རྡོ་རྗེ་གསང་བ་བཅིང་བས་སོ།། ཐམས་ཅད་ཐར་པར་བྱ་བ་ལ་ནི་རྡོ་རྗེ་གསང་བའི་ཡི་གེ་མུས་སོ།། འཕྲ་མེན་མ་ཐམས་ཅད་ལས་ཐར་པར་བྱ་བ་ལ
43b6 དང་པོ་སྔོན་གྱི་གནས་སྐབས་རྗེས་སུ་སྦྱིན་པ་ལ་ནི་གསང་བ་ཆེན་པོ་ཧེ་རུ་ཀའི་རྡོ་རྗེས་སོ། ། མ་མོའི་གདོན་ཐམས་ཅད་ལས་ཐར་པར་བྱ་བ་ལ་ནི་རྡོ་རྗེ་གསང་བའི་དྲག་མོས་སོ།། འཕྲ་མེན་མ་ཐམས་ཅད་ཀྱིས
43b7 རྒྱས་བཏབ་པ་ལ་དང་། ཐར་པར་བྱ་བ་ལ་དང་། སྙིང་ཟོས་པ་ལས་སྙིང་གཞན་འབྱུང་བར་འཇུག་པ་དང་། ཤི་བ་གསོ་བ་ལ་ནི་དམ་ཆོག་ཆེན་པོ་གསང་བའི་ཧེ་རུ་ཀའི་རྡོ་རྗེའི་དབང་བསྐུར་བའི་ཕྱག་རྒྱས
iiif viewer powered by OpenSeadragon