| e-texts navigator |
| Wylie |
42b1 དང་བཅས་པ་དངོས་པོ་ཐམས་ཅད་དུ་དེ་བཞིན་གཤེགས་པ་རྣམས་ཀྱིས་ཡོངས་སུ་བསྐོར་བའོ། ། དེའི་མདུན་དུ་དེ་བཞིན་གཤེགས་པ་ཐམས་ཅད་ཁུ་ཚུར་ཡོངས་སུ་འཛིན་པས། རྡོ་རྗེའི་ཚིག་གིས་སྟོང
42b2 ཕྲག་བརྒྱ་བཟླས་པར་བྱའོ། ། འབུམ་རྫོགས་པ་ན་མཚན་ཕྱེད་ན་བདུད་ཀྱི་ཚོགས་རྣམས་འོང་བར་འགྱུར་རོ།། དེ་ནས་བདུད་ཐམས་ཅད་ཀྱི་སྟོབས་གཞོམ་པས་བཅོམ་པར་བྱའོ།། དེ་ནས་ཐོ་རངས་ཀྱི་དུས
42b3 སུ་དེ་བཞིན་གཤེགས་པ་ཐམས་ཅད་ཉིད་དང་བྱང་ཆུབ་སེམས་དཔའ་ཉིད་ཐོབ་པར་འགྱུར་རོ། ། གལ་ཏེ་རྡོ་རྗེ་འཆང་ཆེན་པོ་ཉིད་མངོན་པར་འདོད་ན་དེས་ལུགས་སམ། འདུས་བྱས་པ་འམ། བརྡུངས་པ་འམ།
42b4 རས་རིས་ལ་སོག་པར་ལེག་པ་གྲི་བའི་ཕྱག་ན་རྡོ་རྗེའི་དཀྱིལ་འཁོར་བཞིན་དུ་སྔར་གྲུབ་པ་ལ་སྐུ་གཟུགས་ཀྱི་ཁྱད་པར་ཇི་ལྟར་ཐོབ་པ་རྡོ་རྗེ་སེམས་དཔའི་སྒྲུབ་པ་བཤད་དོ།། ཟླ་བ་དྲུག་གིས་རྡོ་རྗེ་འཆང་ཆེན་པོའི་དངོས
42b5 གྲུབ་ཆེན་པོ་འགྲུབ་བོ། ། གལ་ཏེ་རྡོ་རྗེ་འཆང་ཆེན་པོ་དགུག་ན་བདེ་བ་ཆེན་པོ་རྡོ་རྗེ་ལྕགས་ཀྱུས་དགུག་ཅིང་ཅི་འདོད་པ་བསྒྲུབ་པར་བྱའོ།། ཟླ་བ་གཅིག་བཟླས་ནས་ཐམས་ཅད་གསོལ་བར་བྱའོ།། གལ་ཏེ་རང
42b6 གི་ཕྱག་རྒྱས་བདག་ཉིད་སྒྲུབ་ན་རང་གི་ལྷའི་ཕྱག་རྒྱ་ཆེན་པོ་བཅིངས་ཏེ་བསྒོམས་པས་བདག་རྡོ་རྗེ་སེམས་དཔའ་ཡིན་ནོ་ཞེས་བསྒོམས་ལ་བསྒྲུབ་པར་བྱའོ། ། དེ་ཇི་ལྟར་མངོན་པར་འདོད་པའི་བཟླས་པས་བདག་ཉིད
42b7 བསྒྲུབ་པར་བྱའོ། ། ཡང་དང་ཡང་དུ་སྒོམ་ཞིང་བཟླས་པ་དེ་སྲིད་བདག་གིས་བྱའོ།། ཇི་སྲིད་རྡོ་རྗེ་འཆང་ཉིད་ཟླ་བ་ཕྱེད་བཟླས་ནས་ཐོབ་པར་འགྱུར་རོ།། དེ་ནས་འདོད་པ་ཐམས་ཅད་ཀྱི་དབང་ཕྱུག་བསྒྲུབ་པར་འདོད།།
iiif viewer powered by OpenSeadragon