| e-texts navigator |
| Wylie |
41b1 རྡུལ་ཚོན་དེ་དག་གི་རོལ་བུ་བྱས་ལ་བཞག་ན་ལས་ཐམས་ཅད་འགྲུབ་པར་འགྱུར་རོ། ། དེ་ནས་བདེ་བ་ཆེན་པོ་རྡོ་རྗེ་དམ་ཚིག་གི་བདུད་རྩིའི་ཚུལ་དེའང་བཅུག་ན་ཚེ་འཕེལ་བ་ལ་སོགས་པའི་ལས་ཐམས་ཅད
41b2 དགོངས་པ་ཡིན་ནོ། ། དེ་ཉིད་ཀྱིས་དབང་བསྐུར་ནའང་དཀྱིལ་འཁོར་དུ་དབང་བསྐུར་བ་ཐོབ་པ་དང་མཆོག་གི་དངོས་གྲུབ་ཀྱང་ཐོབ་པར་འགྱུར་རོ།། གལ་ཧེ་སྐུ་བྲི་བའི་རི་མོ་མཁན་པ་རྙེད་ན་རང་རང་གི
41b3 ཕྱག་མཚན་གྱི་ཕྱག་རྒྱ་རྣམས་ཀྱིས་དཀྱིལ་འཁོར་བྲི་བར་བྱའོ། ། གལ་ཏེ་དེའང་མི་ཤེས་ན་ཕྱག་མཚན་གཞག་པར་བྱའོ།། ཕྱག་རྒྱའི་ཆོ་ག་རྒྱས་པའོ།། དེ་རས་བཅོམ་ལྡན་འདས
41b4 དོན་ཡོད་པ་ཐོགས་པ་མེད་པ་མྱུར་དུ་འགྲུབ་པའི་ཆོ་ག་རྒྱ་ཆེ་བའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྣམ་པར་གནོན་པར་མཛད་ནས་རྡོ་རྗེ་འཆང་ཆེན་པོས་འདི་གསུངས་སོ།།
41b5 བདེ་བ་ཆེན་པོ་རབ་བསྒྲུབས་དང་།། འདོད་པ་ཆེན་པོ་རྣམ་དག་ཕྱིར།། རྡོ་རྗེ་སེམས་དཔའ་འགྲུབ་པ་ནི།། རྟག་པར་མྱུར་དུ་བཤད་པར་བྱ།། ཇི་སྲིད་འཁོར་བའི་གནས་སུ་ནི།། དེ་སྲིད་སེམས
41b6 ཅན་གནོན་པར་བྱ། ། མྱ་ངན་འདས་པ་བྱང་ཆུབ་སྒྲིབ།། དེ་ཉིད་ཀྱི་ནི་དམ་ཚིག་རྣམས།། ཇི་སྲིད་པ་ལ་གནས་པ་ནི།། དེ་སྲིད་སེམས་ཅན་དོན་ཉིད་བྱེད།། ཐམས་ཅད་དག་པའི་མཆོག་ཆོས
41b7 བྱ། ། ཇི་ལྟར་སེམས་ཅན་ཀུན་གྱི་དོན།། དངོས་གྲུབ་ཐམས་ཅད་རབ་སྒྲུབ་པ།། དེ་ཕྱིར་སྦྱིན་ཚོགས་ཕ་རོལ་ཕྱིན།། བྱང་ཆུབ་སྤྱོད་པ་མཆོག་གི་མིན།། དེ་བཞིན་གཤེགས་ནི་འདུལ་མིན་ལ།།
iiif viewer powered by OpenSeadragon