| e-texts navigator |
| Wylie |
25a1 ཅན་ཕྱག་བཞི་དང་། རལ་གྲིས་དེ་བཞིན་གཤེགས་པ་ཐམས་ཅད་ལ་འདེབས་པར་གཞག་པར་བྱའོ།། དེའི་མདུན་ལ་སོགས་པར་དེ་བཞིན་གཤེགས་པའི་སྐུ་རྣམས
25a2 གཞག་པར་བྱའོ། ། ཕྱིའི་མཚམས་རྣམས་སུ་ཤེས་རབ་ཀྱི་ཕ་རོལ་ཏུ་ཕྱིན་པ་བཞི་ལུང་ཇི་ལྟར་ཐོབ་པ་བཞིན་དུ་གཞག་པར་བྱའོ།། སྒོ་རྣམས་སུ་ནི་མཚན་མ་བཞི་གཞག་པར་བྱའོ།། འདི་ལྔ་སྟྭཾ། རལ
25a3 གྲི་དང་། མདུང་དང་། ལྷུང་བཟེད་དང་། གླེགས་བམ་རྣམས་སོ།། དེ་ནས་རལ་གྲི་དང་། གླེགས་བམ་གྱི་ཕྱག་རྒྱ་དེ་བཞིན་དུ་ཆོས་ཀྱི་སློབ་དཔོན་དུ་བྱིན་གྱིས་བརླབ་བོ།། དེ་ནས་རལ་གྲི་བླངས་ཏེ་རལ
25a4 གྲིའི་མིང་གི་དབང་བསྐུར་བས་དབང་བསྐུར་ལ་ཆོས་འདི་བཤད་པར་བྱ་སྟེ། རལ་གྲི་འདི་ནི་རྟག་ཟུང་ལ།། ཤེས་རབ་ཚུལ་ནི་དཀར་སྨྲ་ཞིང་།། ནམ་མཁའ་སངས་རྒྱས་སྦྱོར་བ་ཡིས།། འདེབས་ན་མྱུར་དུ
25a5 འགྲུབ་པར་འགྱུར། ། སངས་རྒྱས་བསྟན་པ་སྲུང་ཕྱིར་དང་།། སེམས་ཅན་མང་པོ་སྲུང་བའི་ཕྱིར།། འདིས་བསད་སྡིག་པར་མི་འགྱུར་ཞིང་།། བསོད་ནམས་ངག་ཀྱང་ཐོབ་པར་འགྱུར།། སློབ་མ་རྣམ
25a6 ལའང་དེ་བཞིན་ཏེ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་དངོས་གྲུབ་རྣམས་ཀྱིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ།།
25a7 ཆོས་ཀྱི་དཀྱིལ་འཁོར་རོ།། སྒྲུབ་པའང་དེ་བཞིན་ནོ།། མ་བསྒྲུབས་པར་ཡང་དེ་བཞིན་དུ་ལས་རྣམས་འགྲུབ་པར་འགྱུར་བ་ནི་སྟོང་པ་ཉིད་ཀྱི་ཏིང་ངེ་འཛིན་འཐོབ་པ་ལ་ནི་ཐམས་ཅད་ནམ་མཁའ་བསྒོམས་པས
iiif viewer powered by OpenSeadragon
