| e-texts navigator |
| Wylie |
203a1 གིས་མེདུས་ཏེ། ཞོ་དང་། སྦྲང་རྩི་དང་། མར་གྱི་ལ་ར་ཛ་ཀོ་ཤ་ཏེ་ཀའི་མེ་ཏོག་ལ་བཟླས་ནས་སྟོང་ཕྲག་བརྒྱ་བསྲེགས་ན་སྣང་བ་ཐོབ་བོ།། འོག་གི་གནས་སུ་རྡོ་རྗེ་འོག་གི་ཕྱག་རྒྱས
203a2 འཁྲུལ་འཁོར་ཐམས་ཅད་བཅོམ་ནས་རྡོ་རྗེ་ཧཱུཾ་ཞེས་པ་བཟླས་ཏེ་ཞུགས་ན་དེ་ལ་སུས་ཀྱང་གཙེ་བར་མི་འགྱུར་རོ། ། གཏོགས་འདོད་ཀྱི་འཁོར་ལོས་ཀྱང་ཅིའང་བྱེད་པར་མི་འགྱུ་རོ།། ཕྱག་ན་རྡོ་རྗེའི་སྤྱན་སྔར་རྡོ་རྗེ་འམ།
203a3 ནོར་བུ་མ་ར་ག་ཏི་འམ། པདྨ་རཱ་ག་འམ། མུ་ཏིག་གམ། གསེར་རམ། དབྱིག་གམ། གཞན་ཅིའང་རུང་བ་འམ། སྐྱེས་པ་འམ། བུད་མེད་དམ། སངས་རྒྱས་ཀྱི་སྐུ་གཟུགས་ལ་ལོ་གཅིག་གི
203a4 བར་དུ་དུས་གསུམ་དུ་བརྒྱ་བརྒྱར་བཟླས་ནས། དེ་ནས་ལོ་གཅིག་ལོན་ན་བརྒྱ་འགྱུར་དུ་འགྱུར་རོ།། དེ་སྙེད་དུ་བརྒྱར་བཟླས་ན་དེ་སྙེད་གྱི་བརྒྱར་འགྱུར་རོ།། དེ་ནས་སྟོང་དུ་བཟླས་ནའང་སྟོང་དུ་འགྱུར་རོ།། ལོངས
203a5 སྐྱེད་དགུག་པ་ནི་སྟོང་ཕྲག་བརྒྱར་བཟླས་སོ། ། དགུག་པ་ནི་རྡོ་རྗེ་ཀྱོ་བ་ཏང་གི་ཕྱག་རྒྱས་ཟླ་བ་བཞིས་ཁུགས་སོ།། དབང་དུ་བྱ་བ་ནི་རྡོ་རྗེ་ཁུ་ཚུར་གྱི་དམ་ཚིག་གི་ཕྱག་རྒྱས་སོ།། སེམས་ཅན་ཐམས་ཅད་གཏན་འཕོ
203a6 བ་ནི་རྡོ་རྗེ་ཧཱུཾ་ཞེས་པའི་ཕྱག་རྒྱ་བཅིངས་ཏེ་སྟོང་ཕྲག་བརྒྱར་བཟླས་ན། སེམས་ཅན་ཐམས་ཅད་ཡིད་ཀྱིས་དམིགས་པ་བཞིན་གཏན་འཕོའོ།། ཆུ་མནན་པ་ནི་རྡོ་རྗེ་ཕྱག་རྒྱ་བཅིངས་ལ་ཆུའི་སྟེང་དུ་འགྲོར་རུང་བའི་བར་དུ
203a7 བཟླས་སོ། ། མེ་མམན་པ་ནི་ཐང་ཅིག་བཟླས་པས་སོ།། ལོ་ཏོག་སྲུང་བ་ནི་རྡོ་རྗེ་བལྟ་བས་ཏེ། དེ་ལ་སྲོག་ཆགས་རྣམས་གང་གིས་ཀྱང་གནོད་པར་མི་འགྱུར་ཞིང་། བྱི་བ་ལ་སོགས་པའང་འདའ་བར་མི་བྱེད་དོ།།
iiif viewer powered by OpenSeadragon
