| e-texts navigator |
| Wylie |
198b1 བྱ་བས་ཕྱི་རོལ་གྱི་ལས་རྣམས་འགྲུབ་པར་འགྱུར་རོ། ། གཉིས་ཀྱིས་ནི་ལས་ཐམས་ཅད་འགྲུབ་པར་འགྱུར་རོ།། གསུམ་གྱིས་ནི་བཅོམ་ལྡན་འདས་རྨི་ལམ་དུ་སྟོན་ཅིང་འདས་པ་དང་མ་འོངས་པ་ཐམས་ཅད་སྟོན་ཏོ།།
198b2 བཞིས་ནི་སེམས་ཅན་ཐམས་ཅད་དགུག་པ་དང་དབང་དུ་བྱ་བར་ནུས་སོ།། ཟླ་བ་ལྔས་ནི་ཡིད་བཞིན་དུ་སྣང་བ་དང་མི་སྣང་བར་འགྱུར་རོ།། ཟླ་བ་དྲུག་གིས་ནི་ཅི་འདོད་པ་ཐམས་ཅད་ཀྱི་གཟུགསུ་འགྱུར་རོ།། ཟླ་བ་བདུན
198b3 གྱིས་ནི་བདག་གི་ལུས་སངས་རྒྱས་དང་། བྱང་ཆུབ་སེམས་དཔའ་དང་། ཕྱག་ན་རྡོ་རྗེར་སྟོན་ཅིང་ཆོ་འཕྲུལ་ཐམས་ཅད་ཀྱང་སྟོན་ཏོ།། ཟླ་བ་བརྒྱད་ཀྱིས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་ལ
198b4 སོགས་པ་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱེད་ཅིང་ལས་སུ་བསྒོའོ།། ཟླ་བ་དགུས་ནི་བྱང་ཆུབ་སེམས་དཔའ་རྣམས་ཐམས་ཅད་དགུག་པ་དང་། གཞུག་པ་དང་། བཅིང་བ་དང་།
198b5 དབང་དུ་བྱེད་དོ།། ཟླ་བ་བཅུས་ནི་ས་བཅུ་ཐོབ་པར་འགྱུར་རོ།། ཟླ་བ་བཅུ་གཅིག་གིས་ནི་བཅུ་གཅིག་པ་སངས་རྒྱས་ཀྱིས་ཐོབ་བོ།། ཟླ་བ་བཅུ་གཉིས་པས་ནི་རྡོ་རྗེ་འཛིན་པར་འགྱུར་རོ།། དེ་ནས་སྒྲུབ་པ་བསྟན་ཏེ།
198b6 རས་ལ་རྡོ་རྗེ་ཧཱུཾ་ཞེས་པ་དེ་བཞིན་དུ་བྲིས་ལ། དེའི་ཐད་འཁོར་ཐམས་ཅད་དུ་མཐུ་ཆེན་པོ་ལ་སོགས་པ་ནས། ཀླུ་བ་རུ་ཎའི་མཐའི་བར་དུ་བཅོམ་ལྡན་འདས་ལ་སྐོར་ཞིང་པུས་མོ་བཙུགས་པ་བྲིས་ལ། དེ་ནས་དེ་བཞིན་དུ
198b7 བཟླས་པ་ནི་རྡོ་རྗེ་ཧཱུཾ་ཞེས་པ་ནི་ཕྱག་རྒྱ་གྲངས་མེད་པར་བཟླས་ཏེ། ཟླ་བའི་མཐའི་བར་དུ་ཚེས་ཉི་ཤུ་དགུའི་མཚན་ཐལ་བྱུང་བཟླས་ན་ནང་པར་ཐམས་ཅད་འོང་ངོ་། འོངས་ནས་ཀྱང་དབང་དུ་འགྱུར་ཏེ་ཐམས་ཅད་བསྒོ་བ་བཞིན་དུ
iiif viewer powered by OpenSeadragon
