| e-texts navigator |
| Wylie |
196a1 ཙ་གཅིག་བཟླས་ན་དེ་ལས་མཚན་མ་འབྱུང་བ་ནི་བ་སྤུ་གཡོ་བ་ལ་སོགས་པ་དང་། ། ས་གཡོ་བ་འམ། དྲི་ཞིམ་པོ་འམ། འོད་ཟེར་མཐོང་བའོ།། དེ་ནས་ཕྱག་ན་རྡོ་རྗེའི་སྤྱི་བོར་མེ་ཏོག
196a2 གཏོར་ཅིག། དེ་ནས་སློབ་མ་གཞུག་སྟེ། དེ་ཐོག་མ་ཉིད་དུ་བཀྲུས་ནས་སློབ་མ་གོས་གཙང་མ་བསྐོན་ཏེ། གསུམ་ལ་སྐྱབས་སུ་བཏང་བ་དང་། བསླབ་པའི་སྡོམ་པ་ལ་སོ་སོར་གནས་པར་བྱས་ནས། དེ་ནས་བྱང
196a3 ཆུབ་ཀྱི་སེམས་སྐྱེད་ཅིག། དེ་ནས་གདོང་རས་ཀྱིས་གཡོགས་ནས་མགོ་གཙུག་ཏོར་དུ་བྱས་ཏེ། རྡོ་རྗེ་འཛིན་མའི་ཕྱག་རྒྱ་བཅིངས་ལ་ཆུག་ཅིག། བཅུག་ནས་མེ་ཏོག་གཏོར་ཏེ། དེ་ནས་གང་ལ་བབས་པ་དེ་ནི
196a4 དེའི་ལྷའོ། ། དེ་ནས་གདོང་བཅིངས་པ་བཀྲོལ་ནས་རང་གི་རིག་པའི་ལྷ་སྟོན་ལ། དེ་ལ་མཆོད་ཅིང་སློབ་དཔོན་ལའང་ཅི་འདོད་པའི་ཡོན་ཕུལ་ནས། དེ་རང་གི་རིག་པ་འམ་སྔགས་བཟླས་ཏེ་ཕྱག་རྒྱའང་བཅིང
196a5 ངོ། ། འཇིག་རྟེན་གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་ལས། འཇིག་རྟེན་གསུམ་གྱི་འཁོར་ལོ་ཞེས་བྱ་བའི་དཀྱིལ་འཁོར་ཆེན་པོའོ།། ། དེ་ནས་རྡོ་རྗེའི་དཀྱིལ་འཁོར་འབྱུང
196a6 སྟེ། རྡོ་རྗེ་འཕྲེང་བ་མཉམ་ལྡན་པས།། རྡོ་རྗེའི་དཀྱིལ་འཁོར་བརྟག་པར་བྱ།། འཇུག་པར་བྱ་བ་དེ་བཞིན་ཏེ།། ལས་ཀྱང་དེ་དང་འདྲ་བར་བྱའོ།། དཀྱིལ་འཁོར་དེ་རུ་ཞུགས་ནས་ནི།། དེ་བཞིན་རྡོ་རྗེ
196a7 གསོར་བར་བྱ། ། འཇིག་རྟེན་གསུམ་རྒྱལ་རབ་བསླབས་ནས།། རྡོ་རྗེ་མཆོག་ནི་བསྒྲུབ་པར་བྱ།། དེ་ལ་རྡོ་རྗེ་སྒྲུབ་པའི་ཆོ་ག་ནི་ལག་པ་གཉིས་རྡོ་རྗེའི་ཕྱག་རྒྱ་འཛིན་པས་རྡོ་རྗེ་བཟུང་ནས་ཇི་སྲིད་དུ་འགུལ་བ་དེ་སྲིད་བཟླས
iiif viewer powered by OpenSeadragon
