| e-texts navigator |
| Wylie |
193b1 འདི་ལྟ་སྟེ། ཆང་གིས་མྱོས་པ་ནི་རྡོ་རྗེ་སྲིན་པོའོ།། ཆང་བྱེད་ནི་རྡོ་རྗེ་འཕྲེང་བའོ།། རྒྱལ་བ་ནི་རྡོ་རྗེ་དབང་ངོ་།། རྒྱལ་བ་སྐྱེད་པ་ནི་རྡོ་རྗེ་རྣམ་པར་རྒྱལ་བ་སྟེ། དེ་དག་ལ་སོགས་པ་ནི་ཚོགས་ཀྱི་བདག
193b2 བོར་དབང་བསྒྱུར་རོ། ། དེ་ནས་ས་པ་རྣམས་རྡོ་རྗེ་མིང་གིས་དབང་བསྒྱུར་བ་བྱིན་པ་ནི། འདི་ལྟ་སྟྭཾ། མཛོད་སྐྱོང་ནི་རྡོརྗེཀླུ་ཤིང་ངོ་།། རྨུ་ནི་རྡོ་རྗེ་རླུང་ངོ་།། མེ་ནི་རྡོ་རྗེ་མའོ།། གྲཝ་པེར་ནི་རྡོ་རྗེ་འཇིགས་པ་སྟེ།
193b3 དེ་དག་ལ་སོགས་པ་ནི་རྡོ་རྗེ་ཕོ་ཉར་དབང་བསྐུར་རོ།། དེ་ནས་ས་འོག་ན་གནས་པའི་ལྷའི་དབང་པོ་ཐམས་ཅད་རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། ཕག་ནི་རྡོ་རྗེ་ཀྱོ་བའོ།། གཤིན་རྗེ་ནི
193b4 རྡོ་རྗེ་ནག་པོའོ། ། སའི་སྤྱི་བོ་ནི་རྡོ་རྗེ་རྣམ་འདྲེན་ནོ།། བ་རུ་ཎ་ནི་རྡོ་རྗེ་ཀླུ་སྟེ། དེ་དག་ལ་སོགས་པ་ནི་རྡོ་རྗེ་བྲན་དུ་དབང་བསྐུར་རོ།། དེ་ནས་འཇིག་རྟེན་གསུམ་གྱི་བདག་པོ་རྣམས་ཀྱིས་ལྷ་མོ་ཐམས་ཅད་ཀྱི་ལག་ཏུ
193b5 རྡོ་རྗེ་བྱིན་ཏེ་རྡོ་རྗེས་དབང་བསྐུར་ནས། རྡོ་རྗེ་མིང་གིས་དབང་བསྐུར་བ་བྱིན་པ་ནི། འདི་ལྟ་སྟེ། ཉོན་མོངས་པ་ནི་རྡོ་རྗེ་ཁྲོ་བ་མའོ།། ནོར་ཅན་ནི་རྡོ་རྗེ་གསེར་མའོ།། ཚངས་མ་ནི་རྡོ་རྗེ་ཞི་བའོ།། དུག་མོ
193b6 ནི་རྡོ་རྗེ་གཞོན་ནུ་མའོ། ། དབང་མོ་ནི་རྡོ་རྗེ་ཁུ་ཚུར་ཏེ། དེ་དག་ལ་སོགས་པ་ནི་རིགས་ཀྱི་བློན་མོ་ཆེན་མོར་དབང་བསྐུར་རོ།། དེ་ནས་པར་སྣང་ལ་རྒྱུ་བའི་མ་རྣམས་དབང་བསྐུར་བ་བྱིན་པ་ནི། འདི་ལྟ་སྟེ། བདུད
193b7 རྩིམ་ནི་རྡོ་རྗེ་བདུད་རྩི་མའོ། ། འཁྲུངས་མ་ནི་རྡོ་རྗེ་སྡུག་གུ་མའོ།། བེ་ཅོམ་འཆང་མ་ནི་རྡོ་རྗེ་བེ་ཙོན་རྩེ་མོའོ།། སྐྱེ་འཕྲོག་མ་ནི་རྡོ་རྗེ་རྐེད་འཆིངས་མསྟེ།། དེ་དག་ལ་སོགས་པ་ནི་རྡོ་རྗེ་ཁྲོ་མོར་དབང་བསྐུར་རོ།།
iiif viewer powered by OpenSeadragon
