| e-texts navigator |
| Wylie |
188b1 ཡངས་པ་དང་། ། སྣ་ཚོགས་རྒྱན་གྱིས་རབ་ཏུ་བརྒྱན།། ཁ་དོག་སེར་པོ་ཉིད་བསམ་ཞིང་།། བུད་མེད་སྒྱུ་མའི་དྲེགས་བདོ་བ།། ཕྱག་ཏུ་ཨུཏྤལ་དམ་པ་ནི།། སེར་པོ་སྣང་བ་བསྒོམ་པར་བྱ།།
188b2 ། རྡོ་རྗེ་ཉིད་འཛིན་ལས་བྱུང་བ།། སེམས་ཅན་ཀུན་གྱིས་ཕྱག་བྱས་པའོ།། ཨོཾ་རུ་རུ་སྥུ་རུ་ཛྭཱ་ལ་ཏིཥྛ་སིདྡྷ་ལོ་ཙ་ནེ་སརྦ་ཨཏྨ་སཱ་དྷཱ་ནི་སྭཱཧཱ།། ཨོཾ་ཤཾ་ཀ་རེ་ཤཱནྟིཾ་ཀ་རེ་གྷུཌྜྷྱ་གྷུཊ་ཊི་ནི་གྷཱ་ཏ་ཡ་གྷཱ་ཏ་ཡ་གྷུ་ཊ་ཊི་ནི
188b3 སྭཱཧཱ། ཨོཾ་ཀ་ཊེ་བི་ཀ་ཊེ་ནཱི་ཀ་ཊེ་ཀ་ཊཾ་ཀ་ཊེ་སྭཱཧཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། རིག་པའི་ལྷ་མོ་བཞིའོ།། སྐུ་ནི་ལུས་ཀྱི་ངོ་བོ་ཡིས།། ཐུགས་ནི་སེམས་ཀྱི་རྣམ་པ་ཉིད།། གསུང་ནི་ངག་གི་རྣམ་པ
188b4 ཡིས། ། མཆོད་ན་མཆོད་པའི་བདག་ཉིད་འགྱུར།། སྐུ་གསུང་ཐུགས་ཀྱི་གསང་བ་ནི།། མཁས་པ་ཡིས་ནི་བསྲུང་བྱ་སྟེ།། བསྲུངས་ན་མཆོག་ཏུ་གསང་བ་ནི།། རྟག་པར་ཀུན་ཏུ་འབྱུང་བར་འགྱུར།།
188b5 དངོས་པོ་ཡོངས་སུ་དག་པ་ནི།། མེད་པས་ཀུན་ཏུ་བརྟག་མི་འབྱུང་།། རྣལ་འབྱོར་པ་ཡིས་རྣལ་འབྱོར་ཐོབ།། ཚོགས་མེད་ཡང་དག་མི་མཐོང་ངོ་།། དེ་བས་གསང་བའི་ཡེ་ཤེས་འབྱུང་།། རྣལ་འབྱོར
188b6 ཀུན་ཏུ་འབྱུང་བར་འགྱུར། ། ཤེས་རབ་ཕ་རོལ་ཕྱིན་པའི་ཐབས།། ཏིང་འཛིན་ཡེ་ཤེས་བརྟགས་པ་ཡིན།། ཆོས་རྣམས་ཐམས་ཅད་རྣམ་དག་པ།། དག་པ་ཉིད་དུ་གྱུར་པ་ནི།། ཇི་ལྟར་ལྷ་ཡི་ནོར་བུ་ནི།།
188b7 རང་གི་འོད་ཀྱིས་རྟག་ཏུ་སྣང་།། སྲིད་པ་ཡོངས་སུ་དག་པ་ཡང་།། རྣལ་འབྱོར་རྣལ་འབྱོར་ཐོབ་བྱེད་ཡིན།། རྡོ་རྗེ་དབྱིངས་ནི་གསང་ཆེན་དུ།། གང་ཞིག་དབང་བསྐུར་མཁས་པ་ལ།། ཐུགས་ཀྱི་གསང་བའི
iiif viewer powered by OpenSeadragon
