| e-texts navigator |
| Wylie |
185b1 ཏུ་ཕྱག་རྒྱའི་བདག་ཅན་འགྱུར། ། རྒྱས་བཏབ་དངོས་པོ་ཤེས་ནས་ནི།། བསྒོམས་ན་ཕྱག་རྒྱས་བཏབ་པར་འགྱུར།། མཚན་དང་མཚན་ཉིད་འབྲེལ་བ་ནི།། ཤེས་ནས་རྣལ་འབྱོར་ཡང་དག་སྤྱོད།། ཇི་ལྟར
185b2 མཚན་ཉིད་ཡང་དག་གྲུབ། ། དེ་བཞིན་དག་པ་མྱུར་དུ་འགྲུབ།། གཡས་པའི་ཆ་ཡི་མཚན་མ་ནི།། ཤེས་རབ་ཅན་ནི་རབ་ཏུ་བསྟན།། གཡོན་གྱི་མཚན་མ་ཇི་ལྟར་མཐོང་།། དེ་ཡིས་ཐུགས་རྗེ་མཚོན་པ་ཡིན།།
185b3 ཕྱག་ནི་གཉིས་ཀའི་མཉམ་སྦྱོར་ལས།། ཏིང་འཛིན་གཉིས་སུ་བཤད་པ་ཡིན།། ཞབས་གཉིས་ཀྱི་ནི་མཚན་མ་ཡིས།། ཚོགས་གཉིས་དག་ནི་བསྟན་པ་ཡིན།། སོར་མོ་ལྔ་ཡི་མཉམ་སྦྱོར་ལས།།
185b4 དཀྱིལ་འཁོར་ལྔ་ཡིས་བརྒྱན་པ་ཡིན། སངས་རྒྱས་ལྔ་ཡི་མངོན་བྱང་ཆུབ།། རིམ་པ་བཞིན་དུ་བསྟན་བྱ་སྟེ།། གང་ཞིག་གུང་མོ་སྟོན་པ་ནི།། ནམ་མཁའ་ལས་ནི་བྱུང་བ་མཚོན།། གང་ཞིག་མཛུབ་མོ་སྟོན
185b5 པ་ནི། ། དེས་ནི་དབང་ཆེན་དཀྱིལ་འཁོར་ཡིན།། སྲིན་ལག་ཏུ་ནི་ཡང་དག་བཤད།། ཆུ་ཡི་དཀྱིལ་འཁོར་ཞེས་བཤད་དོ།། གང་ཞིག་མཐེ་བོང་སྟོན་པ་ནི།། དེ་ཡིས་མེ་ནི་མཚོན་པ་ཡིན།། གང་ཞིག་མཐུའུ་ཆུང
185b6 སྟོན་པ་ནི། ། རླུང་གི་དཀྱིལ་འཁོར་ཉིད་དུ་འགྱུར།། གང་ཞིག་ལྟེ་བ་སྟོན་པ་ནི།། རྡོ་རྗེ་དབྱིངས་ཀྱི་དབང་ཕྱུག་བཤད།། གང་ཞིག་སྙིང་ཁ་སྟོན་པ་ནི།། རྡོ་རྗེ་སེམས་མར་རྗེས་སུ་དཔག། གང་ཞིག་སྨིན
185b7 མཚམས་སྟོན་པ་ནི། ། རྡོརྗེ་རིན་ཆེན་མ་ཞེས་བྱ།། གང་ཞིག་ལྐོག་མ་སྟོན་པ་ནི།། རྡོ་རྗེ་ཆོས་མར་ཤེས་པར་བྱ།། གང་ཞིག་སྤྱི་བོ་སྟོན་པ་ནི།། རྡོ་རྗེ་ལས་མར་ཤེས་པར་བྱ།། བྱང་ཆུབ་ལྔར་མངོན་བྱང
iiif viewer powered by OpenSeadragon
