| e-texts navigator |
| Wylie |
185a1 ཉོན་མོངས་འཕྲོག་པས་དྲ་བ་སྟེ།། ཡང་དག་གཅོད་ཅིང་སྤོང་བ་ཉིད།། སེལ་བའི་སྤོང་བ་ལ་གནས་པ།། ཚོགས་གཉིས་ཀྱི་ནི་སྦྱོར་བ་ཉིད།། ཉོན་མོངས་པ་ཡི་ཕྱེད་འཕྲོག་པ།། དྲ་བ་ཕྱེད་ཅེས་བྱ
185a2 བར་བཤད། ། རང་བཞིན་འོད་གསལ་གང་ཡིན་དེ།། བྱང་ཆུབ་སེམས་ནི་བླ་མེད་ཡིན།། སེམས་ནི་དོན་ཀུན་སྐྱེད་བྱེད་པ།། ཟླ་བའི་དཀྱིལ་འཁོར་ཡིན་པར་བཤད།། ཤེས་རབ་ཡེ་ཤེས་རང་བཞིན་དག། རྡོ་རྗེ་ལྟ
185a3 བུའི་ཏིང་འཛིན་སྐྱེས། ། ཐར་པའི་སྣང་བ་གཟི་བརྗིད་ཆེ།། ཉི་མའི་དཀྱིལ་འཁོར་ཡིན་པར་བཤད།། ཚོན་རྩི་ལྔར་ནི་ཡང་དག་ཅེས།། ལྟ་བ་ལྔ་ཡི་མེ་ཏོག་ཡིན།། ཡེ་ཤེས་ལྔ་ཡི་ངེས་སྦྱོར་ཉིད།། སངས་རྒྱས
185a4 ལྔ་ཞེས་ཡང་དག་བཤད། ། ནམ་མཁའ་བཞིན་དུ་བདག་མེད་པའི།། རྣམ་ཤེས་ཡེ་ཤེས་དམ་པ་ཡིན།། ཡེ་ཤེས་དེ་ཡི་རྒྱན་བཤད་པ།། ཆགས་པའི་སེམས་ཞེས་བྱ་བར་བཤད།། ཆགས་བྲལ་ལས་ནི་བྱང་ཆུབ་འབྱུང་།།
185a5 ཆགས་པའི་སེམས་ལས་གཞན་ཡིན་ནོ།། དེ་བས་ཆགས་དང་ཆགས་བྲལ་བ།། བྱང་ཆུབ་སེམས་ཞེས་ཡང་དག་བཤད།། འཇིག་རྟེན་ཆགས་དང་བྲལ་བས་འདུལ།། ཕྱག་རྒྱའི་དངོས་གྲུབ་ཆགས་ལས་བྱུང་།། དེར་ནི
185a6 ཐབས་ཀྱི་སྒོམ་པ་དག། དངོས་གྲུབ་ཐམས་ཅད་སྟེར་བ་ཡིན།། ཇི་ལྟར་འཇིག་རྟེན་འདུལ་འགྱུར་བ།། དེ་ལྟར་རྣལ་འབྱོར་པ་ཡིས་སྤྱད།། ཇི་ལྟར་གདུལ་བྱ་དག་གྱུར་པ།། ཞེན་པ་ཀུན་ཏུ་མཆོད་པར་འགྱུར།།
185a7 མཚན་ཉིད་གང་ཞིག་ཡང་དག་བཤད།། མཚན་ཉིད་དེས་ནི་མཚོན་པར་འགྱུར།། སྐུ་གསུང་ཐུགས་ཀྱི་ཕྱག་རྒྱ་ཡིས།། རྒྱས་བཏབ་ཡེ་ཤེས་ཡིན་པར་བཤད།། ཕྱག་རྒྱ་བསྒོམས་པས་རྣལ་འབྱོར་པ།། རྟག
iiif viewer powered by OpenSeadragon
