| e-texts navigator |
| Wylie |
184b1 དག་པ་པདྨ་ཡིན། ། ཉོན་མོངས་དགྲ་བཅོམ་རལ་གྲི་སྟེ།། དཀྱིལ་འཁོར་སྦྱོར་བས་འཁོར་ལོ་ཡིན།། གང་གིས་བརྗོད་པས་སྨྲ་བར་བཤད།། ཀུན་ཉིད་སྣ་ཚོགས་རྡོ་རྗེ་ཡིན།། གཞིག་དཀའི་སྦྱོར་བ་གོ་ཆ་ཡིན།
184b2 འཇིགས་པའི་སྤྱོད་པས་མཆེ་བ་སྟེ།། ཕྱག་རྒྱའི་སྦྱོར་ཉིད་བཅིང་བ་ཡིན།། དཀྱིལ་འཁོར་དུ་ནི་གང་བཤད་པ།། ཡིད་ཀྱི་དཀྱིལ་འཁོར་དམ་པ་ཡིན།། གཞལ་ཡས་ཁང་ནི་ཡེ་ཤེས་ཏེ།། སེམས་ཀྱི་བརྩེགས
184b3 པ་སྒྲེང་བ་ཡིན། ། ཕྱི་ཡི་གྲུ་བཞི་པ་གང་ཡིན།། ཚད་ཀྱིས་མཉམ་པ་ཉིད་གྱུར་པ།། བྱམས་པ་ལ་སོགས་སེམས་གང་ཡིན།། ཐིག་བཞི་ཞེས་ནི་བཤད་པ་ཡིན།། ཆོས་ཀྱི་སྦྱོར་བ་རྗེས་དྲན་ཉིད།། གང་དེ
184b4 རྡོ་རྗེ་ཐིག་ཏུ་བཤད། ། ལྟ་བ་ཀུན་ལས་རྣམ་གྲོལ་བ།། ཡེ་ཤེས་ཐིག་ཏུ་བཤད་པ་ཡིན།། ཚུལ་ཁྲིམས་ཚོགས་ཀྱི་དམ་པ་ནི།། གང་ཞིག་རྒྱན་དུ་བཤད་པ་ཡིན།། དད་དབང་ལ་སོགས་སེམས་གང་ཡིན།།
184b5 རབ་ལྔར་ནི་ཡང་དག་བྱུང་།། རྣམ་པར་ཐར་པ་བཞི་པོ་ནི།། སྒོ་རྣམས་སུ་ནི་ཡང་དག་བཤད།། ཡང་དག་སྤོང་བ་བཞི་པོ་ནི།། རྟ་བབས་རྣམས་དང་ཀ་བར་བྱུང་།། དྲན་པ་ཉེར་གཞག་བཞི་པོ་ནི།། ཁྱམས
184b6 རྣམས་བཞི་པོར་ཤེས་པར་བྱ། ། རྫུ་འཕྲུལ་རྐང་པ་བཞི་པོ་ནི།། དེ་ནི་སྒོ་ཁྱུད་རྣམ་བཞི་ཡིན།། བྱང་ཆུབ་ཡན་ལག་བདུན་པོ་ནི།། འཕྲེང་བ་མེ་ཏོག་ཆུན་བརྒྱན་པ།། འཕགས་ལམ་ཡན་ལག་བརྒྱད་པོ་ནི།། ཀ་བ
184b7 བརྒྱད་ཅེས་བྱ་བར་བཤད། ། སྒྲིབ་པ་གཉིས་ལས་རྣམ་གྲོལ་ཞིང་།། ཏིང་འཛིན་ཡེ་ཤེས་ཀྱིས་བརྟགས་པ།། ལམ་གྱི་ཡེ་ཤེས་ཁྱད་པར་རྣམས།། རྔ་ཡབ་ཅེས་ནི་ཡང་དག་བཤད།། ཉོན་མོངས་ཐམས་ཅད་ངེས་གཅོད་ཅིང་།།
iiif viewer powered by OpenSeadragon
