| e-texts navigator |
| Wylie |
184a1 ཕྱིན། ཚུལ་ཁྲིམས་ཕ་རོལ་ཕྱིན་དགེ་བས།། བརྒྱན་པའི་ཡན་ལག་ཡིད་འོང་ཡིན།། གླུ་མ་བཟོད་པའི་ཕ་རོལ་ཕྱིན།། ཆེད་དུ་བརྗོད་པའི་ཆོས་བརྗོད་པའོ།། གར་མ་བརྩོན
184a2 འགྲུས་ཕ་རོལ་ཕྱིན། ། མྱུར་དུ་སངས་རྒྱས་ཉིད་སྟེར་བའོ།། བདུག་པ་ཤེས་རབ་ཕ་རོལ་ཕྱིན།། ཀུན་ཏུ་ཁྱབ་པར་སྤྲོས་ཕྱིར་རོ།། མེ་ཏོག་བསམ་གཏན་ཕ་རོལ་ཕྱིན།། འདོད་པའི་འདམ་གྱིས་མ་གོས་པའོ།།
184a3 མར་མེ་སྨོན་ལམ་ཕ་རོལ་ཕྱིན།། ཕྱོགས་ཀུན་སྣང་བར་བྱེད་པ་ཡིན།། དྲི་ནི་ཐབས་ཀྱི་ཕ་རོལ་ཕྱིན།། དྲི་ངན་ཐུར་སེལ་དགེ་བ་ཡིན།། སངས་རྒྱས་ཀུན་གྱི་ཐབས་ཆེན་པོ།། དབྱེ་བ་རྣམ་པ་བཞི་ཡིས་གནས།།
184a4 ཐམས་ཅད་འདོད་པའི་ཐབས་ཆེན་པོ།། རྡོ་རྗེ་ལྕགས་ཀྱུ་ཞེས་བཤད་དོ།། བྱང་ཆུབ་སྨད་པ་སྤྱོད་བྱེད་པ།། རྡོ་རྗེ་ཞགས་པ་ཞེས་བཤད་དོ།། ཐེག་པ་འདི་ལ་བརྟེན་གྱུར་གང་།། རྡོ་རྗེ་ལྕགས་སྒྲོག་ཅེས་བཤད
184a5 དོ། ། ཆོས་རྣམས་ཐམས་ཅད་མ་སྐྱེས་ཤིང་།། གདོད་ནས་ཞི་བ་མཁའ་དང་མཉམ།། དེ་ལྷའི་ཚིག་ནི་རབ་འཇུག་པས།། རྡོ་རྗེ་དྲིལ་བུ་ཞེས་བཤད་དོ།། ཚོགས་གཉིས་ཀྱི་ནི་སྦྱོར་བ་ཡིས།། སེམས་ཅན་ཀུན
184a6 གྱི་དོན་སྟོན་པའི། ། སེམས་ནི་རང་བཞིན་གྱིས་འོད་གསལ།། ཟླ་བའི་དཀྱིལ་འཁོར་ཡིན་པར་བཤད།། ཡང་དག་རྡོ་རྗེ་རྟོགས་པ་སྟེ།། འཛིན་པའི་སྦྱོར་ཉིད་ལྕགས་ཀྱུ་ཡིན།། ཕྲ་བར་འབིགས་པ་མདའ
184a7 ཞེས་བྱ། དགྱེས་པས་ལེགས་སོ་ཞེས་བྱ་བ།། སྤྲོས་པས་རིན་པོ་ཆེ་རུ་བཤད།། གཟི་བརྗིད་ཅེས་བྱ་ཉི་མ་ཡིན།། སྒྲེང་བས་ཏོག་ཏུ་བཤད་པ་སྟེ།། རྣམ་པར་འབྱེད་པས་བཞད་པར་བཤད།། འདོད་ཆགས
iiif viewer powered by OpenSeadragon
