| e-texts navigator |
| Wylie |
182b1 འཛིན་སྐྱེས། ། རྡོ་རྗེ་ཡེ་ཤེས་རང་བཞིན་སེམས།། རྡོ་རྗེ་དབྱིངས་ཞེས་བྱ་བར་བཤད།། སེམས་ཀྱི་སྤྲོ་བའི་སྦྱོར་བ་ཡིས།། ཕྲ་མོའི་ཡེ་ཤེས་སོགས་སྦྱོར་བ།། དེ་བཞིན་གཤེགས་ཀུན་ཡེ་ཤེས
182b2 ནི། རྣམ་པར་སྣང་མཛད་ཅེས་བྱར་བཤད།། བྱམས་པ་སྤྲོ་བར་སྦྱོར་བ་ཡིས།། སྦྱོར་བ་སྤྱོད་པར་བྱེད་པའི་མཆོག། ཟག་མེད་བརྟན་པར་གྱུར་པ་ཡིས།། ཐུགས་ནི་མི་བསྐྱོད་པ་ཞེས་བཤད
182b3 ཐུགས་རྗེ་སྤྲོ་བའི་ཚུལ་གྱིས་ནི། ། སེམས་ཅན་ཕན་འདོགས་མཛད་པ་པོ།། ཐུགས་ནི་འགྲོ་དོན་ཡང་དག་ལྡན།། རིན་ཆེན་འབྱུང་ལྡན་ཞེས་བཤད་དོ།། དགའ་བས་སྤྲོ་བའི་སྦྱོར་བ་ཡིས།།
182b4 ཐེག་ཆེན་མཆོག་ནི་དྲི་མ་མེད།། ཐུགས་ནི་འོད་གསལ་དག་པ་ནི།། འོད་དཔག་མེད་ཅེས་དེ་བཤད་དོ།། བཏང་སྙོམས་སྤྲོ་བར་མཛད་པའི་ཤུགས།། སེམས་ཅན་ཐམས་ཅད་རྟོགས་མཛད
182b5 པ། ། དོན་ཡོད་བླ་མེད་བྱ་བ་ནི།། དོན་ཡོད་གྲུབ་པར་དེ་བཤད་དོ།། བྱང་ཆུབ་རང་བཞིན་ཡེ་ཤེས་མཆོག། དེ་འདིར་རྡོ་རྗེ་ཞེས་བཞད་དེ།། རྡོ་རྗེ་ཡེ་ཤེས་ལས་བྱུང་བ།། རྡོ་རྗེ་སེམས་དཔའ་དེ
182b6 བཤད་དོ། ། སངས་རྒྱས་ཐམས་ཅད་སྤྱན་འདྲེན་པ།། རྡོ་རྗེ་ལྕགས་ཀྱུ་ཞེས་བཤད་དེ།། རྡོ་རྗེའི་རིགས་རྣམས་ཀུན་གྱི་རྒྱལ།། རྡོ་རྗེ་རྒྱལ་པོར་དེ་བཤད་དོ།། སངས་རྒྱས་ཐམས་ཅད་ཆགས་བྱེད
182b7 པས། མཉེས་པར་བྱེད་པ་ཞེས་བཤད་དེ།། བདུད་ཀྱི་སྦྱོར་བ་ཆགས་པ་ཆེ།། རྡོ་རྗེ་ཆགས་པར་དེ་བཤད་དོ།། སངས་རྒྱས་ཐམས་ཅད་མཉེས་བྱེད་ཅིང་།། ལེགས་སོ་ཞེས་པ་རབ་སོགས
iiif viewer powered by OpenSeadragon
