| e-texts navigator |
| Wylie |
181b1 གདོད་ནས་དག་པར་དེ་ཚེ་འགྱུར།། གདོད་ནས་དག་པར་གནས་གྱུར་པ།། དེ་ནས་བྱང་ཆུབ་སེམས་སུ་འགྱུར།། བྱང་ཆུབ་སེམས་ཀྱི་བདག་ཅན་འགྱུར།། བྱང་ཆུབ་སེམས་དཔའ་དེ་བཞིན་གཤེགས།།
181b2 རྣམ་པར་གྲོལ་བའི་རས་ཀྱིས་གཡོགས།། བྱང་ཆུབ་སེམས་ནི་བླ་ན་མེད།། ཡང་དག་བསྐྱེད་གྱུར་རྣལ་འབྱོར་པ།། རྡོ་རྗེ་སེམས་དཔའ་སྙིང་ལ་འདུག། སེམས་ཅན་ཁམས་ནི་མཐའ་ཡས་པའི།། མར
181b3 གྱུར་དམ་ཚིག་འཛིན་བྱེད་པ། ། རྡོ་རྗེ་དམ་ཚིག་གིས་སྤྱད་ན།། རྟག་ཏུ་དམ་ཚིག་གནས་པར་གྱུར།། ཁམས་གསུམ་ལམ་ནི་ཉམས་དགའ་བར།། བུད་མེད་ཅེས་བཤད་ཇི་སྙེད་པ།། ཆོ་ག་བཞིན་དུ
181b4 ཀུན་སྤྱོད་ཅིང་། ། ཐུགས་ཀྱི་རྡོ་རྗེ་སྨད་མི་བྱ།། རྡོ་རྗེ་གསུམ་གྱི་སྐུ་ལ་གནས།། དམ་ཚིག་ཕྱག་རྒྱ་ཇི་སྙེད་པ།། རྡོ་རྗེ་དམ་ཚིག་གསུམ་གྱིས་བྱ།། གསུང་གི་རྡོ་རྗེ་སྨད་མི་བྱ།། རྡོ་རྗེ་སེམས་དཔའ་ལས་བྱུང
181b5 བའི། ། ཕྱག་རྒྱ་ཀུན་ནི་བུད་མེད་བཟང་།། དེ་རྣམས་སྟེན་པའི་རྣལ་འབྱོར་པ།། ཕྱག་རྒྱ་ཐམས་ཅད་དབང་དུ་འགྱུར།། འཇིག་རྟེན་ཁམས་ནི་ཐམས་ཅད་ན།། བུད་མེད་ཅེས་བྱ་ཇི་སྙེད་པ།། ཕྱག་རྒྱ་ཆེན་པོ
181b6 སྦྱོར་བ་ཡིས། ། དེ་དག་ཀུན་ལ་ཉེ་བར་སྤྱད།། གསང་བ་མཆོག་གི་རྣལ་འབྱོར་པ།། ཏིང་འཛིན་ཡེ་ཤེས་དམ་པ་ཡིན།། གལ་ཏེ་དངོས་གྲུབ་མཆོག་འདོད་ན།། ང་རྒྱལ་མ་ཡིན་ཧཱུཾ་མ་ཡིན།། རིག་པ
181b7 མ་ཡིན་སྔགས་རིག་མིན། ། ལག་པའི་ཕྱག་རྒྱའང་མི་བཅའ་འོ།། མཆོད་རྟེན་གྱི་ནི་ལས་མི་བྱ།། གླེགས་བམ་དག་ཀྱང་བཀླག་མི་བྱ།། དཀྱིལ་འཁོར་དག་ནི་མི་བྱ་ཞིང་།། རྡོ་རྗེ་མཆོག་གསུམ
iiif viewer powered by OpenSeadragon
