| e-texts navigator |
| Wylie |
180a1 གསུང་གི་སྟེ། ལས་ཀྱི་ཕྱག་རྒྱ་སྐུ་ཡི་ཡིན།། རྒྱ་ཡིས་རྒྱས་བཏབ་དངོས་པོ་ནི།། གསང་བདག་གསང་བའི་རྣལ་འབྱོར་པའོ།། རང་རིག་པ་ཡི་ངོ་བོ་ཡིས།། ཏིང་འཛིན་ཡེ་ཤེས
180a2 བརྟགས་པ་ཡིན། ། ལུས་ངག་སེམས་སུ་རྣམ་རྟགས་པའི།། བྱ་བ་རྒྱུད་དུ་རྣམ་བརྟགས་པ།། གསང་བ་རྣམ་པ་གསུམ་དུ་བཤད།། རྡོ་རྗེ་ལས་ཅན་སྣ་ཚོགས་བཞིན།། སངས་རྒྱས་ལྔ་ཡི་བདག་ཉིད
180a3 ནི། གསང་བའི་ཡེ་ཤེས་བླ་མེད་ཡིན།། ཕྱག་རྒྱ་བཞི་པོ་གསང་བ་དེ།། རྣལ་འབྱོར་པ་ཡིས་ལས་གྲུབ་བྱེད།། འབྱུང་བ་ཆེན་པོ་བཞི་པོ་ཡང་།། ཕྱག་རྒྱ་བཞི་ཞེས་བཤད་པ་ཡིན།། ཕྱག་རྒྱ་བཞི་ཡིས་མཉམ
180a4 སྦྱོར་བ། ལྷ་མོ་བཞི་དང་ཡང་དག་སྦྱོར།། ས་ནི་སྤྱན་ཞེས་བཤད་པ་ཡིན།། ཆུ་ནི་མཱ་མ་ཀཱི་ཞེས་བཤད།། མེ་དང་རླུང་ཞེས་གྲགས་པ་ནི།། གོས་དཀར་མོ་དང་སྒྲོལ་མ་ཡིན།། དབང་ཆེན་ས་ཡི
180a5 ཁམས་ཡིན་ཏེ། ། ཆུ་ཡི་ཁམས་ནི་ཆུ་དཀྱིལ་འཁོར།། མེ་ནི་མེ་ཡི་ཁམས་ཡིན་ཏེ།། རླུང་ནི་རླུང་གི་དཀྱིལ་འཁོར་རོ།། དབང་ཆེན་ཁ་དོག་སེར་པོ་སྟེ།། གྲུ་བཞི་པ་སྟེ་རྒྱས་པ་ཡིན།། ཆུ་ཡི་དཀྱིལ་འཁོར
180a6 ཟླུམ་པོ་སྟེ། ། དཀར་པོའི་མདོག་ཅན་ཞི་བའི་ཡིན།། མེ་ཡི་དཀྱིལ་འཁོར་ཁ་དོག་དམར།། གྲུ་གསུམ་དབང་གི་ལས་རྣམས་ལའོ།། རླུང་གི་དཀྱིལ་འཁོར་གཞུ་ཡི་དབྱིབས།། ནག་པོའི་གདུག་པའི
180a7 ལས་རྣམས་ལ། ། འབྱུང་བ་ཆེའི་བདག་ལས་གྲུབ་པ།། ལས་ཀྱི་དངོས་གྲུབ་ཡོན་ཏན་བཞི།། ལས་ཀྱི་དངོས་གྲུབ་དངོས་གྲུབ་མཆོག། འཁོར་ལོས་སྒྱུར་བ་རྣམ་པ་བཞི།། ཞི་བ་ལ་ནི་སྤྱན་གྱི་ཚུལ།།
iiif viewer powered by OpenSeadragon
