| e-texts navigator |
| Wylie |
179b1 དངོས་པོ་སྒོམ་པར་གྱུར་པ་ཡིས།། རང་གི་སེམས་ནི་ཡོངས་སུ་སྦྱང་།། སངས་རྒྱས་སངས་རྒྱས་ཡུལ་མ་ཡིན།། སེམས་ཅན་ཡུལ་དུའང་མི་འགྱུར་གྱི།། རང་སེམས་རྟོགས་པས་སངས་རྒྱས་ཏེ།།
179b2 སངས་རྒྱས་སངས་རྒྱས་རྟོགས་པས་མིན།། གཉིས་མེད་སྦྱོར་བ་འདི་ལ་ཡང་།། ཏིང་ངེ་འཛིན་གྱི་ཡེ་ཤེས་བརྟག། རྒྱུ་ཡི་དེ་ཉིད་ཇི་ལྟར་མཐོང་།། འབྲས་བུའི་དེ་ཉིད་དེ་ཉིད་ཡིན།། རྒྱུ་ཡི་དེ་ཉིད་ཅུང་ཟད་མེད།།
179b3 འབྲས་བུའི་དེ་ཉིད་དེ་བཞིན་ནོ།། དེ་ཉིད་དེ་ནི་དེ་བཞིན་ཤེས།། དེ་ཉིད་རྣལ་འབྱོར་པ་ཀུན་སྤྱོད།། རྒྱུ་ཡིས་རྒྱུན་ནི་དངོས་པོར་མིན།། འབྲས་བུའི་དངོས་པོར་འབྲས་བུས་མིན།། རྒྱུ་དེ་འབྲས་བུའི་དངོས་པོར་རུང་།།
179b4 རང་གི་སེམས་ནི་སོ་སོར་སྣང་།། ཡེ་ཤེས་དེ་ནི་རྒྱུ་དངོས་ཏེ།། གསང་དེ་འབྲས་བུའི་དངོས་པོ་ཡིན།། གསང་བ་གཉིས་མེད་སྤྱོད་པ་ཡིས།། དེ་ཡི་དངོས་པོས་མཆོག་ཡིན་ནོ།། དེ་ཉིད་དེ་ཉིད་རྟོགས་གྱུར་པ།། གསང
179b5 དེ་གསང་བའི་རྣལ་འབྱོར་པ། ། གསང་བ་དེ་རིག་ཤེས་པ་སྟེ།། མཆོག་ནི་མཆོག་གི་རྣལ་འབྱོར་པ།། སྡུག་པའི་ངོ་བོར་གང་བཤད་པ།། མི་སྡུག་པ་ཡང་དེ་ཡི་དངོས།། སྡུག་དང་མི་སྡུག་གཟུགས་གང་ཡིན།།
179b6 མི་མཐོང་དེ་ནི་དེ་བཞིན་གཤེགས།། རྣམ་ཤེས་ཙམ་ནི་མེད་པ་རུ།། རྣལ་འབྱོར་རྣལ་འབྱོར་འབྱུང་མི་འགྱུར།། ཇི་ལྟར་ཡེ་ཤེས་མཆོག་དག་པ།། དེ་ལྟར་དག་པ་དེ་བཞིན་གཤེགས།། རྣམ་པར་ཤེས་པ་རྣམ་པ
179b7 བབཞི། ཕྱག་རྒྱ་བཞི་ཡི་ཆོ་ག་ཡིས།། གསང་བ་གཉིས་མེད་སྦྱོར་བ་ཡིས།། སྐུ་གསུང་ཐུགས་ནི་ཡང་དག་བྱང་།། ཐུགས་ནི་ཕྱག་རྒྱ་ཆེན་པོ་སྟེ།། དམ་ཚིག་ཕྱག་རྒྱ་ཀུན་ཏུ་འགྲོ།། ཆོས་ཀྱི་ཕྱག་རྒྱ
iiif viewer powered by OpenSeadragon
