| e-texts navigator |
| Wylie |
96a1 དངོས། ། མཆོག་ཏུ་དགའ་བརྗི་མཛ་བ་ཅད།། དེ་ལ་གཟུགས་མེད་བསོད་ནམས་མེད་ཅིང་སྡིག་པ་མེད།། སྐྱེ་དང་འགག་པ་དག་ནི་ཡོད་པ་མིན།། དེ་བཞིན
96a2 གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེ་ནག་པོའི་རྒྱུད་ལས། བྱང་ཆུབ་ཀྱི་སེམས་ཀྱི་རིམ་པར་སྐྱེ་བ་སྟེ་བཅུ་བདུན་པའོ།། ། དེ་ནས་གཏས་དྷུ
96a3 བཤད་པར་བྱ་སྟེ། བཅོམ་ལྡན་འདས་མངོན་པར་བྱང་ཆུབ་པའི་དུས་སུ་བཅོམ་ལྡན་འདས་ཐུབ་པ་ཆེན་པོ་ལ་བྱང་ཆུབ་ཀྱི་བར་དུ་གཅད་པའི་ཕྱིར། ཤིན་ཏུ་འཇིགས་སུ་རུང་བའི་འཇིགས་པ་ཆེན
96a4 བོཔོ་སྟོན་ཅིང་བདུད་ཀྱི་དཔུང་ཆེན་པོ་ལྤགས་ཏེ། དེའི་དུས་ན་བདུད་ཆེན་པོ་ལས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བཅོམ་ལྡན་འདས་ཉིད་ཀྱི་སྐུ་གསུང་ཐུགས
96a5 རྡོ་རྗེ་རྣམས་ལས་གཤིན་རྗེ་གཤེད་ཀྱི་ཁྲོ་བོ་ངེས་པར་ཕྱུང་སྟེ། བཅོམ་ལྡན་འདས་ཀྱིས་ངེས་པར་ཕྱུང་ནས་ཀྱང་ལག་ན་རྡོ་རྗེ་ཐུབ་པ་ཆེན་པོའི་བཀའ་བཞིན་བྱེད་པ་ལ། ཕྱག་ན་རྡོ་རྗེ་ཁྱོད་འདི་ལྟ་བུའི
96a6 གཤིན་རྗེ་གཤེད་ཀྱི་ཁྲོ་བོའི་གཟུགས་སུ་བསྒྱུར་ཏེ། ། བདུད་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ལྷ་རྣམས་ཀྱང་ཚེམས་ཤིག། ཆིངས་ཤིག། རྟོགས་ཤིག་ཅེས་གསུངས་སོ།།
96a7 དེའི་དུས་ན་ཇི་ལྟར་བདག་གིས་བཅོམ་ལྡན་འདས་ཀྱིས་གསུངས་པ་ཟོས་ཏེ། སྐད་ཅིག་ལ་བཟུང་ཞིང་དོན་བཟུང་སྟེ་བསྡུས་ནས་རབ་ཏུ་ཡིད་ལ་བྱས་སོ།། ཞེས་གསང་བ་ཆེན་པོའི་བདག་པོ་ཆེན་པོ
iiif viewer powered by OpenSeadragon
