| e-texts navigator |
| Wylie |
95b1 རྒྱུད་ཀྱི་མཐར་ཐུག་པ་འདི་འདུས་པ་སྟེ།། བྱུང་བར་མ་གྱུར་འབྱུང་བར་མི་འགྱུར་རོ།། ཨེ་མའོ་ཞི་བ་ཆེན་པོའི་ཆོས།། ཨེ་མའོ་ཁྲོ་བོ་འཇིགས་མཛད་པ།། ཨེ་མའོ་མྱ་ངན་ལས་འདས་པའི
95b2 མཆོག། ཨེ་མའོ་འཁོར་བཞི་པ་ཉིད།། ཨེ་མའོ་འདི་ན་རབ་ཏུ་མཚར།། ཞེས་པ་གང་དེ་ཡོན་ཏན་གྱུར།། བྱང་ཆུབ་མེད་ཅིང་མངོན་རྟོགས་མེད།། དངོས་པོ་མ་ཡིན་བསྒོམ་བྱ་མིན།།
95b3 ཁམས་མ་ཡིན་ཞིང་རྣམ་ཤེས་མིན།། ནམ་མཁའི་ཁམས་དང་མཚུངས་པ་ཉིད།། ནམ་མཁའ་ལྟ་བུར་བདག་མེད་པ།། ཆོས་འདི་བདེ་བ་ཆེན་པོ་སྟེ།། ས་ཡང་མ་ཡིན་ཆུ་མིན་ཏེ།། མེ
95b4 མིན་རླུང་མིན་ནམ་མཁའ་མིན། ། རྡོ་རྗེ་སེམས་དཔའི་སྦྱོར་བ་ཡིས།། བསྐྱེད་པ་ཡང་ནི་རབ་གནས་ནས།། དངོས་པོ་ཐམས་ཅད་དངོས་མེད་བཤད།། དངོས་པོ་མེད་ཅེས་མ་བསྒྲགས་པ།།
95b5 རྣལ་འབྱོར་སྦྱོར་བ་དང་འབྲེལ་ཕྱིར།། ཆད་པ་མ་ཡིན་རྟག་པ་མིན།། ཡན་ལག་མེད་ཅིང་ཁ་དོག་མེད།། ཐོག་མ་བར་དང་མཐར་སྤངས་པ།། དངོས་པོ་ཐམས་ཅད་མེད་པར་འགྱུར།།
95b6 མཆོག་ཏུ་དགོར་བའི་མཚན་ཉིད་དོ།། དེ་ནས་བཅོམ་ལྡན་འདས་ཙརྩི་ཀ་ཆེན་པོ་ལ་སོགས་པས་ཆེད་དུ་བརྗོད་པ་ཆེད་དུ་བརྗོད་དོ།། བསོད་ནམས་སྡིག་པ་དག་དང་མ་འབྲེལ་བས།
95b7 མཆོག་ཏུ་དགའ་བ་དྲི་མེད་དག་པ་ཡི།། མགོན་པོ་དེ་བཞིན་ཉིད་ཀྱི་གཏེར་ཆེན་གཅིག་པུ་དང་།། ཀུན་ཀྱང་སྙིང་རྗེའི་སེམས་ཀྱིས་མགོན་འདི་ཡོད།། ཆོས་རྣམས་ངོ་བོ་བདེ་བ་ཆེན་པོའི
iiif viewer powered by OpenSeadragon
